ޣައްޒާއިން ގިނަ ބަޔަކު ވަނީ ޝަހީދުވެފައި

ދުނިޔެ 24 Feb 2024 | 06:43

ޣައްޒާއިން ޝަހީދުވި މީހުންގެ އަދަދު 30،000 އަށް އަރައިފި

އިސްރާއިލުން ފަލަސްޠީނުގެ ޣައްޒާއަށް ދެމުންގެންދާ ރަހުމުކުޑަ ލާއިންސާނީ ހަމަލާތަކުގައި 30،000 އަށް ވުރެ ގިނަމީހުން ޝަހީދުވެފައިވާ ކަމަށް ފަލަސްޠީނުގެ ސިއްހަތާއި ބެހޭ ވުޒާރާއިން ހާމަކޮށްފިއެވެ.

މިދިޔަ އަހަރުގެ އޮކްޓޫބަރ މަހުގެ 7 ވަނަ ދުވަހު ފެށުމު މިހަނގުރާމައި މިހާތަނަށް 69,616 ފަރާތެއް ޣައްޒާއިން ޒަހަމްކޮށްލައިފައިވާއިރު، އެތަށް ބައެއްގެ ގޮދުރުވަނީ ބިމާއި ހަމަކޮށް ސުންނާފަތި ކޮށްލައިފައެވެ.

ޣައްޒާގެ ހެލްތު މިނިސްޓްރީން ރިޕޯޓުކޮށްފައިވާ ގޮތުގައި އިއްޔެ އެކަނިވެސް އިސްރާއީލްގެ ރަހްމެއް އިންސާނިއްޔަތުކަމެއް ނެތް ހަމަލާގައި ޢައްޒާގެ 104 މީހުން ޝަހީދުކޮށްލައި، 160 މީހުންނަށް އެކި ވަރުގެ އަނިޔާތައް ދީފައިވެއެވެ.

ޔަޙޫދީ ޒަޔަނިސްޓް އިސްރާޢިލުން ފަލަސްޠީނުގެ ޣާޒާއަށް ހަމަލާތައް ދެމުންގެންދާތާ 4 މަސް ފާއިތުވެގެންދާއިރު މި ހަމަލާތަކާއި ގުޅިގެން މުޅި ޣާޒާ ސިޓީ ވަނީ އެއްކޮށް ކަހަލަ ގޮތަކަށް ހަލާކުވެ ސުންނާފަތިވެފައެވެ. އާއްމުން ދިރިއުޅެމުންގެންދާ ގެތަކުގެ އިތުރުން ސްކޫލްތަކާއި، ހަސްފަތާލުތައް ވެސް ވަނީ ހަމަ ބިމާއި ހަމަވެފައެވެ.

މިއަދު ޣައްޒާގެ ރައްޔިތުންނަށް އެންމެ ޒަރޫރީ ބޭނުންތައްވެސް ފުންދުން ވަނީ ނާދިރުކަމަކަށް ވެފައެވެ. ވިޔަފާރިކުރާނެ ފިހާރައެއް ނެތްއިރު ރަންގަޅު ކާނެ އެއްޗެއް ލިބޭނެގޮތެއް ނެތެވެ. ސިއްޙި ފަރުވާ ހޯދުމަށް ދާންހުރި ބޮޑަތި ގިނަ ހޮސްޕިޓަލްތަކަށް އިސްރާއިލް ސިފައިން ބޮން އެޅުމުގެ ސަބަބުން ވަނީ ސުންނާފަތިވެފައެވެ. މިއަދު ޣައްޒާގައި ސިއްހީފަރުވާ ފޯރުކޮށްދެވޭ ގޮތަށް ހުރީ ވަރަށް މަދު ތަނެކެވެ.

ދުނިޔޭގެ ސިއްޙަތާއި ބެހޭ ޖަމިއްޔާ ޑަބްލިޔުއެޗްއޯ ޑިރެކްޓަރ ޖެނެރަލް ވެސް ދާދިފަހުން ބުނެފައި ވަނީ ހައްދުފަހަޅައެޅި ޒަޔަނިސްޓް އިސްރާއިލްގެ ސިފައިން ޣައްޒާއަށް ދެމުން ގެންދާ ރަޙްމުކުޑަ ހަމަލާގެ ސަބަބުން ފަލަސްޠީނުގެ ޣައްޒާސިޓީގެ ބޮޑުބައެއް ވަނީ ސުންނާފަތިވެ، ޣައްޒާ ވަނީ މަރުގެ މައިދާނަކަށް ބަދަލުވެފައި ކަމަށެވެ.

ފަލަސްތީން

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

03 Nov 2026 ދުނިޔެ

އިންޑިއާގައި މީހަކު ޕާސްޕޯޓު ބޭނުންކުރީ ނޯޓު ފޮތެއްގެ ގޮތުގައި

ސޯޝަލް މީޑިއާ ޕްލެޓްފޯމެއް ކަމަށްވާ އެކްސްގައި ދައުރުވަމުންދާ ވީޑިއޯއެއްގައި ފެންނަ ގޮތުން، އެ މީހާގެ ޕާސްޕޯޓުގެ ގިނަ ސޮފުހާތަކުގައި ހުރީ އެކި މީހުންގެ ފޯނު ނަންބަރުތަކާއި ނަންތައް ނޯޓުކޮށް، ރައްކާކޮށްފައެވެ.

03 Nov 2026 ދުނިޔެ

މުޒާހަރާ އާ ގުޅިގެން ބަންގްލަދޭޝްގެ ގިނަ ފެކްޓްރީތަކެއް ބަންދު

މިދިޔަ އާދިއްތަ ދުވަހު ވެރިރަށް ޑާކާގައި ފެށި މި މުޒާހަރާތައް ވަނީ ބޮޑެތި ހަމަނުޖެހުންތަކަކަށް ބަދަލުވެފައެވެ. އެގޮތުން މުޒާހަރާގެ ބައިވެރިން މަގުތައް ބަންދުކޮށް، ބައެއް ފެކްޓްރީތަކަށް ގެއްލުންދީ، އުޅަނދުފަހަރުގައި ހުޅުޖަހާފައިވެއެވެ. މި ހަމަނުޖެހުންތައް ކޮންޓްރޯލްކޮށް، މުޒާހަރާގެ ބައިވެރިން ރޫޅާލުމަށް ފުލުހުން ވަނީ ކަރުނަގޭސް ބޭނުންކޮށްފައެވެ. ޑާކާ ފުލުހުންގެ ޑެޕިއުޓީ ކޮމިޝަނަރު މުހިދުލް އިސްލާމް ވިދާޅުވި ގޮތުގައި، ހޯމަ ދުވަހާ ހަމައަށް މަދުވެގެން 29 މީހަކު ވަނީ ހައްޔަރުކޮށްފައެވެ. އަދި ގާމެންޓް ސިނާއަތުގައި ގަސްދުގައި ނުތަނަވަސްކަން އުފައްދަން އުޅޭ ފަރާތްތަކާ މެދު ގާނޫނީ ހަރުކަށި ފިޔަވަޅު އަޅާނެ ކަމަށް ވެސް އޭނާ ވިދާޅުވިއެވެ.

31 Oct 2026 ކުޅިވަރު

ފަލަސްތީނުން މިފަހަރުވެސް ރާއްޖެ ބަލިކޮށްފި

މީގެ ކުރިންވެސް ކުރި ކޭމްޕް ދަތުރުގައިވެސް ފަލަސްތީނުން ވަނީ ރާއްޖެއާ ދެކޮޅަށް މެޗެއް ކުޅެފައެވެ. އެމެޗް ފަލަސްތީނުން ކާމިޔާބުކުރީ 6-0 ގެ ނަތީޖާއިންނެވެ.

27 Oct 2026 ކުޅިވަރު

ފަލަސްތީނު ފުޓްބޯޅަ ޓީމަށް ކ.ގުރައިދޫން ހޫނު މަރުހަބާއެއް

ފަލަސްތީނުގެ ޓީމްގެ މި ދަތުރުގެ ތެރެއިން ރާއްޖޭގެ 17 އަހަރުން ދަށުގެ ގައުމީ ޓީމާ ދެކޮޅަށް އެކުވެރިކަމުގެ ދެ މެޗެއް ކުޅުމަށް ވަނީ ހަމަޖެހިފައެވެ. މި މެޗުތައް އޮންނާނީ މި މަހުގެ 30 ވަނަ ދުވަހާއި، އަންނަ ނޮވެމްބަރު މަހުގެ 2 ވަނަ ދުވަހު މާލޭގެ ގައުމީ ފުޓްބޯޅަ ދަނޑުގައެވެ.