ފަލަސްތީނުގެ ބޮޑުވަޒީރު މުހައްމަދު ޝްތައްޔާ އިސްތިއުފާ ދެއްވައިފި
ފަލަސްތީނުގެ ބޮޑުވަޒީރު މުހައްމަދު ޝްތައްޔާ އިސްތިއުފާ ދެއްވައިފިއެވެ.
ބޮޑު ވަޒީރުގެ ކަމުގެ މަގާމުން އިސްތިއުފާ ދެއްވިކަން ޝްތައްޔާ އިޢުލާން ކުރައްވާފައިވަނީ މިއަދުގެ ވަގުތެއްގައެވެ.
އެގޮތުން އިސްތިއުފާ އިއުލާން ކުރައްވަމުން ޝްތައްޔާ ވިދާޅުވީ އޭނާ މަގާމުން އިސްތިއުފާ ދެއްވަން ނިންމެވީ ހަރުކަށި ޔަހޫދީން ގަދަކަމުން ފޭރިގެންފައިވާ ހުޅަނގު އައްސޭރި އާއި ގުދުސްގައި ހަމަނުޖެހުންތަކެއް އުފެދި، ޣައްޒާގައި ހިނގަމުންދާ ހަނގުރާމައާއި ޖަރީމާތަކާއި ބަނޑުހައިހޫނުކަމުގެ ސަބަބުން ކަމަށެވެ.
މީގެ އިތުރުން އޭނާ ވިދާޅުވީ، ފަލަސްތީނުގައި މިހާރު ހިނގަމުންދާ ކަންކަމަށް ބަލައި، އަދި ކުރިއަށް އޮތް ތަނުގައި ކުރިމަތިވާނެ ގޮންޖެހުންތަކަށް ބަލައި، ފަލަސްތީނުގެ ވެރިކަން ހިންގަމުން އަންނަ ގޮތަށް ބަދަލުތަކެއް ގެންނަންޖެހޭ ކަމަށެވެ.
އަދި ޣައްޒާގެ މިހާރުގެ ހާލަތަށް ބަލައި، ފަލަސްތީނުގެ ރައްޔިތުން އެކަތި ގަނޑަކަށްވެ މަސައްކަތް ކުރާންޖެހޭ ކަމަށްވެސް އޭނާ ވިދާޅުވި އެވެ.
ޝަތައްޔާ މިހެން ވިދާޅުވީ ފަލަސްތީނުގައި ދައުލަތެއް ހިންގޭނެ ސިޔާސީ އޮނިގަނޑެއްގެ މަސައްކަތް ފެށުމަށް އައްބާސްއަށް އެމެރިކާގެ ޕްރެޝަރު އިތުރުވަމުންދާ ދަނޑިވަޅެއްގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
