ދަރުމަވަންތަ ހޮސްޕިޓަލްގެ 18ވަނަ ފަންގިފިލާގައި ވަކިން އެނދުމަތިކޮށް ފަރުވާދެމުންގެންދާ އަލްއަމީރު މުހައްމަދު ނޫރައްދީން އަދި އެމަނިކުފާނުގެ އަނބިކަނބަލުން ރަނގަޅަށް ބަލަހައްޓަންޖެހޭނެކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
އަލްއަމީރު މުހައްމަދު ނޫރައްދީނާއި އެމަނިކުފާނުގެ އަނބިކަނބަލުންނަކީ ރައީސުލްޖުމްހޫރިއްޔާގެ އޮފީހުގެ ޕޮލިސީ ސެކްރެޓަރީއެއްގެ މަގާމުގައި ހުންނެވި ސަބްރާ ނޫރައްދީންގެ ކާފަ އަދި ދޮން މާމައެވެ.
މީޑިޔާތަކުން ރިޕޯޓްކުރާ ގޮތުގައި މި ދެފަރާތަށް ދަރުމަވަންތަ ހޮސްޕިޓަލްގެ 18ވަނަ ފަންގިފިލާގަައި ފަރުވާދެމުންދަނީ ޑޭކެއަރގެ އުސޫލުންނެވެ. އެގޮތުން އެދެފަރާތަށް ފަރުވާ ދިނުމަށް 10 ވަރަކަށް ނަރުހުން ބައިތިއްބާފައި ތިބޭއިރު، އެ ފަރާތްތަކަށް ފަރުވާދެމުން ގެންދަނީ އައިޖީއެމްއެޗްގެ އެތެރެހަށީގެ ޚާއްސަ ޑޮކްޓަރ، ޑރ.މޫސާ މުރާދެވެ.
މިކަމާއި ގުޅިގެން އައިޖީއެމްއެޗްއިން ނެރުނު ނޫސް ބަޔާނެއްގައި ބުނެފައިވަނީ މި ދެފަރާތް އެނދުމަތިކޮށްފައިވަނީ ކަނޑައެޅިފައިވާ އުސޫލުތަކާއި އެއްގޮތަށް ކަމަށެވެ. އެގޮތުން މި ޕޭޝަންޓުންނަކީ އާސަންދައިން ކަވަރ ނުކުރާ ޕްްރައިވެޓް ރޫމް ޗާޖް ފަދަ ހަރަދުތައް ވެސް ކަނޑައެޅިފައިވާ ގަވައިދާ އެއްގޮތަށް ބަރާބަރަށް ދައްކަމުން އަންނަ ފަރާތްތަކެއްކަމަށްވެސް ވަނީ ބުނެފައެވެ.
މިކަމާއި ގުޅިގެން އެމްޑީޕީގެ ވަޓްސްއެޕް ގްރޫޕެއްގައި ވާހަކަ ދައްކަވަމުން ރައީސް ނަޝީދު ވިދާޅުވީ، މި ދައްކަވަނީ އަލްއަމީރު މުހައްމަދު ނޫރައްދީންގެ ވާހަކަފުޅު ކަމަށާއި އެބޭފުޅާ ދައްކަވަން ޖެހޭ ފައިސާތައް ދައްކަވާނެކަން ޔަގީން ކަމަށެވެ. އަދި އެބޭފުޅާ ރަނގަޅަށް ބަލަހައްޓަން ޖެހޭނެކަމަށްވެސް ރައީސް ނަޝީދު ވިދާޅުވިއެވެ.
"އެމީހުން އެ ދައްކަވަނީ އަލް އަމީރު މުހައްމަދު ނޫރައްދީންގެ ވާހަކަ. އެ ބޭފުޅާ ހުރިހާ ބިލްތަކެއްވެސް ދައްކަވާނެކަން އަޅުގަނޑަށް ޔަގީން. ސަރުކާރުން އެބޭފުޅާ ވަރަށް ރަނގަޅަށް ބަލަހައްޓަން ޖެހޭނެ. މިކިޔަނީ އަލް އަމީރު މުހައްމަދު ނޫރައްދީންގެ ވާހަކަ"، އެމަނިކުފާނު ވިދާޅުވިއެވެ.
އަލްއަމީރު މުހައްމަދު ނޫރައްދީނަކީ އައްސުލްތާން ހަސަން ނޫރައްދީން (2)ގެ ދަރިކަލުންނެވެ.
ދަރުމަވަންތަ ހޮސްޕިޓަލްގެ 18ވަނަ ފަންގިފިލާގައި ވަކިން އެނދުމަތިކޮށް ފަރުވާދެމުންގެންދާ އަލްއަމީރު މުހައްމަދު ނޫރައްދީން އަދި އެމަނިކުފާނުގެ އަނބިކަނބަލުން ރަނގަޅަށް ބަލަހައްޓަންޖެހޭނެކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
އަލްއަމީރު މުހައްމަދު ނޫރައްދީނާއި އެމަނިކުފާނުގެ އަނބިކަނބަލުންނަކީ ރައީސުލްޖުމްހޫރިއްޔާގެ އޮފީހުގެ ޕޮލިސީ ސެކްރެޓަރީއެއްގެ މަގާމުގައި ހުންނެވި ސަބްރާ ނޫރައްދީންގެ ކާފަ އަދި ދޮން މާމައެވެ.
މި ދެފަރާތަށް ދަރުމަވަންތަ ހޮސްޕިޓަލްގެ 18ވަނަ ފަންގިފިލާގަައި ފަރުވާދެމުންދަނީ ޑޭކެއަރގެ އުސޫލުންނެވެ. އެގޮތުން އެދެފަރާތަށް ފަރުވާ ދިނުމަށް 10 ވަރަކަށް ނަރުހުން ބައިތިއްބާފައި ތިބޭއިރު، އެ ފަރާތްތަކަށް ފަރުވާދެމުން ގެންދަނީ އައިޖީއެމްއެޗްގެ އެތެރެހަށީގެ ޚާއްސަ ޑޮކްޓަރ، ޑރ.މޫސާ މުރާދެވެ.
މިކަމާއި ގުޅިގެން އައިޖީއެމްއެޗްއިން ނެރުނު ނޫސް ބަޔާނެއްގައި ބުނެފައިވަނީ މި ދެފަރާތް އެނދުމަތިކޮށްފައިވަނީ ކަނޑައެޅިފައިވާ އުސޫލުތަކާއި އެއްގޮތަށް ކަމަށެވެ. އެގޮތުން މި ޕޭޝަންޓުންނަކީ އާސަންދައިން ކަވަރ ނުކުރާ ޕްްރައިވެޓް ރޫމް ޗާޖް ފަދަ ހަރަދުތައް ވެސް ކަނޑައެޅިފައިވާ ގަވައިދާ އެއްގޮތަށް ބަރާބަރަށް ދައްކަމުން އަންނަ ފަރާތްތަކެއްކަމަށްވެސް ވަނީ ބުނެފައެވެ.
މިކަމާއި ގުޅިގެން އެމްޑީޕީގެ ވަޓްސްއެޕް ގްރޫޕެއްގައި ވާހަކަ ދައްކަވަމުން ރައީސް ނަޝީދު ވިދާޅުވީ، މި ދައްކަވަނީ އަލްއަމީރު މުހައްމަދު ނޫރައްދީންގެ ވާހަކަފުޅު ކަމަށާއި އެބޭފުޅާ ދައްކަވަން ޖެހޭ ފައިސާތައް ދައްކަވާނެކަން ޔަގީން ކަމަށެވެ. އަދި އެބޭފުޅާ ރަނގަޅަށް ބަލަހައްޓަން ޖެހޭނެކަމަށްވެސް ރައީސް ނަޝީދު ވިދާޅުވިއެވެ.
"އެމީހުން އެ ދައްކަވަނީ އަލް އަމީރު މުހައްމަދު ނޫރައްދީންގެ ވާހަކަ. އެ ބޭފުޅާ ހުރިހާ ބިލްތަކެއްވެސް ދައްކަވާނެކަން އަޅުގަނޑަށް ޔަގީން. ސަރުކާރުން އެބޭފުޅާ ވަރަށް ރަނގަޅަށް ބަލަހައްޓަން ޖެހޭނެ. މިކިޔަނީ އަލް އަމީރު މުހައްމަދު ނޫރައްދީންގެ ވާހަކަ"، އެމަނިކުފާނު ވިދާޅުވިއެވެ.
އަލްއަމީރު މުހައްމަދު ނޫރައްދީނަކީ އައްސުލްތާން ހަސަން ނޫރައްދީން (2)ގެ ދަރިކަލުންނެވެ.
Advertisement
This content is created and paid for by advertisers and does not involve Voice Journalists
