އަލްޖީރިއާގެ އިގްތިސޯދު އާރާސްތު ކުރަން އެހީތެރިކަން ފޯރުކޮށްދީ ދެ ގައުމުގެ ގުޅުން އެހެން ހަރުފަތަކަށް ގެންދާން ތައްޔާރަށް އޮތް ކަމަށް ޗައިނާ އިން ހާމަކޮށްފިއެވެ.
ޗައިނާގެ ކޮމިއުނިސްޓު ޕާޓީގެ ސެންޓްރަލް ޕޮލިޓިކަލް ބިއުރޯގެ މެންބަރު ޔާންގް މިހެން ވިދާޅުވީ އިއްޔެ އަލްޖީރިއާގެ ރައީސް އާއިއެކު ބޭއްވި ބައްދަލުވުމުގައިއެވެ. ދެގައުމުގެ އިގްތިސޯދީ ގުޅުން ވަރުގަދަކޮށް، ވިޔަފާރި އިތުރުކޮށް، ސައިންސާއި ޓެކްނޮލޮޖީގެ ދާއިރާއިން އިތުރަށް މަސައްކަތް ކުރުމަށް މި ބައްދަލުވުމުގައި ވަނީ މަޝްވަރާ ކޮށްފައިއެވެ.
ޗައިނާ އާއި އަލްޖީރިއާގެ އިގްތިސޯދީ އަދި ސިޔާސީ ގުޅުން ފާއިތުވި އަހަރުތަކުގައިވަނީ ވަރަށް ބޮޑަށް ވަރުގަދަ ވެފައިއެވެ. ފާއިތުވި މަސްތަކުގައި ވެސް ޗައިނާ އިން ވަނީ ކޮވިޑް-19 އާއި ގުޅިގެން އަލްޖިރިއާއަށް ވަރަށް ބޮޑެތި އެހީތެރިކަން ފޯރުކޮށްދީފައިއެވެ.
އަލްޖީރިއާ އަކީ ޗައިނާގެ ބެލްޓް އެންޑް ރޯޑު އިނޯޝިއޭޓިވްގެ މެންބަރެކެވެ. ރާއްޖެ އާއި ދާދި އެެއް ދުވަސްވަރެއްގަައި ޗައިނާގެ ބެލްޓް އެންޑް ރޯޑު އިނީޝިއޭޓިވް އާއި ގުޅުނު އަލްޖީރިއާއަށްވަނީ ޗައިނާގެ ވަރަށް ބޮޑެތި އިންވެސްޓްމަންޓްތައް ލިބިފައިއެވެ.
އިއްޔެގެ ބައްދަލުވުމުން ކޮވިޑް-19 އިން އަލްޖިރިއާގެ އިގްތިސޯދަށް ކުރި ނޭދެވޭ އަސަރުން އަރައިގަންނަން ޗައިނާ އިން އިތުރަށް އެހީވާން ތައްޔާރަށް އޮތްކަން ވަނީ އެނގިފައިއެވެ. އަދި ކުރިއަށް އޮތް އަހަރުތަކުގައި ޗައިނާއިން އިތުރު ބޮޑެތި އިންވެސްޓްމަންޓްތައް އަލްޖިރީއަށް ކުރާނެ ކަމުގެ ޔަގީންކަން ޔާންގް ދެއްވިއެވެ.
ޗައިނާގެ ވެރިކަން ކުރާ ޕާޓީގެ ޕޮރިން އެފެއާރސް އޮފީހުގެ ޑިރެކްޓަރ ކަމުގެ މަގާމުވެސް ފުރުއްވަމުން ގެންދަވާ ޔާންގް މި ރަސްމީ ދަތުރުފުޅުގައި ވަޑައިގަންނަވަނީ ޗައިނާ އާއި އެންމެ ގާތް ގުޅުމެއް އޮންނަ ގައުމުތަކަކަށް ބައެއް ފަރާތްތަކުން ފާހަނގަކޮށްފައި ވެއެވެ. މިގޮތުން އަލްޖީރިއާއަށް ވަޑައިގަތުމުގެ ކުރިން ސްރީލަންކާއަށް ވަޑައިގެންފައި ވާއިރު ޔާންގެ މިދަތުރުފުޅުގައި ވަޑައިގަންނަވާ ގައުމުތަކުގެ ތެރޭގައި ރާއްޖެ ނުހިމެނެއެވެ.
Advertisement
This content is created and paid for by advertisers and does not involve Voice Journalists
