މަސްތުވާތަކެތީގެ މައްސަލައިގައި ހައްޔަރުކުރި ޝަހީބް ކޯޓުން ދޫކޮށްލައިފި
ޑްރަގް އެންފޯސްމަންޓް ޑިޕާޓްމަންޓާއި ފުލުހުންގެ އިންޓެލިޖެންސް އަދި މެރިން ޕޮލިސް ގުޅިގެން 2020 އޮކްޓޯބަރު 12 ވަނަ ދުވަހު ހިންގި އޮޕަރޭޝަނެއްގައި ކަނޑުމަގުން ރާއްޖެއަށް އެތެރެކުރި 130 ކިލޯގެ މަސްތުވާތަކެއްޗާއެކު ހައްޔަރުކުރި ޕީއެންސީގެ ކައުންސިލް މެމްބަރު ގއ.ވިލިގިނލީ ލައިޓްހައުސް ޝަހީބު އިބްރާހީމް ކޯޓުން އިއްޔެ ދޫކޮށްލައިފިއެވެ.
ފުލުހުން މައުލޫމާތު ދެއްވަމުން ވިދާޅުވީ މަސްތުވާތަކެތި އެތެރެކުރި މައްސަލައިގައި އިސްކޮށް ހަރަކާތްތެރިވި ކަމަށް ތުހުމަތުކުރެވޭ ޝަހީބް އިބްރާހީމްގެ ބަންދުގެ މުއްދަތު އިތުރުކުރުމަށް މިއަދު ކޯޓަށް ހާޒިރުކުރުމުން ކޯޓުންވަނީ ދޫކޮށްލާފައިވާ ކަމަށެވެ.
ޝަހީބް ކޯޓު އަމުރުގެ ދަށުން ދޫކޮށްލާފައިވަނީ ހެކި ހުރެގެން ފުރަތަމަ ފަހަރަށް މުއްދަތު ދިނުމަށްފަހުގައެވެ. އެހެންކަމުން އެ މައްސަލަ އިތުރަށް ތަހްގީގުކުރުމަށް މިހާރު ލިބިފައި ހުރި ހެއްކާއެކު އާ އަމުރަކަށް މިއަދު ކޯޓަށް ހުށައަޅާނެކަމަށް ފުލުހުން ވަނީ ފާހަގަކޮށްފައެވެ.
ފާހަގަކޮށްލެވޭ ގޮތުގައި ފުލުހުން ހިންގި މި އޮޕަރޭޝަނުގައި މަސްތުވާތަކެތި ރާއްޖެއިން އެތެރެކުރި ދޯނިން ހައްޔަރުކުރި މީހުންގެ ތެރޭގައި ހިމެނޭ ކުޑަކުއްޖާގެ ބަންދަށް ޖުވެނައިލް ކޯޓުންވަނީ 10 ދުވަހުގެ މުއްދަތެއް ދީފައެވެ.
Advertisement
This content is created and paid for by advertisers and does not involve Voice Journalists