Advertisement

ކުރިއަރަމުން އަންނަ ކުދި، މެދުފަންތީގެ ވިޔަފާރިތަކަށް "ވޮއިސް"ގެ ފަރާތުން ޚާއްސަ ފުރުސަތެއް!

03 Dec 2020 | 12:59

ވޮއިސްގެ ދެވަނަ އަހަރީ ދުވަހާއި ގުޅިގެން ދިވެހިރާއްޖޭގައި ކުރިއަރަމުންދާ ކުދި އަދި މެދުފަންތީގެ ވިޔަފާރިތަކަށް "ވޮއިސް"ގެ ފަރާތުން ވަރަށް ޚާއްސަ ފުރުސަތެއް ހުޅުވާލަން ނިންމައިފިއެވެ.

އެގޮތުން އެފަރާތްތަކުގެ ވިޔަފާރިތަކާ ގުޅޭ އެޑްވަޓޯރިއަލް އަދި ޚަބަރުތައް ވަރަށް ހެޔޮ އަގެއްގައި ޖަހައިދޭން ވޮއިސްގެ މެނޭޖްމަންޓްގެ ފަރާތުން ވަނީ ނިންމާފައެވެ.

ވޮއިސްގެ ފަރާތުން މިފަދައިން ނިންމާފައިވަނީ ކޮވިޑް-19ގެ ސަބަބުން ވަރަށް ގިނަ އާ ވިޔަފާރިތަކެއް މުޅިން އަލަށް އުފެދިފައިވުމުންނާއި އަދި އޭގެ ކުރިންވެސް ހިންގަމުންދިޔަ ކުދި އަދި މެދުފަންތީގެ ވިޔަފާރިތަކަށް އެހީވުމުގެ ގޮތުންނެވެ.

މީގެ ކުރިންވެސް މި ނޫހުން ވަނީ ގިނަ އަދަދެއްގެ ކުދި އަދި މެދުފަންތީގެ ވިޔަފާރިތަކުގެ ޕްރޮފައިލް ގެނެސްދީ، އެފަރާތްތަކުގެ ކަންބޮޑުވުންތައް ހިއްސާކުރުމުގެ މަސައްކަތްވެސް ކޮށްފައެވެ.

އެހެންކަމުން ވޮއިސްގައި އެޑްވަޓޯރިއަލް އަދި ޚަބަރު ޖެހުމަށް ބޭނުންވާ ކުދި އަދި މެދުފަންތީގެ ވިޔަފާރިތަކުން މި ނޫހުގެ ނަންބަރުކަމަށްވާ 9956888 އަށް ގުޅުއްވުން ނުވަތަ މެސެޖެއް ކޮށްދެއްވުން އެދެމެވެ.

ވޮއިސްއަކީ މިވަގުތު ދިވެހިރާއްޖޭގައި ތިން ބަހުން ޚަބަރު ގެނެސްދޭ ހަމައެކަނި ނޫހެވެ. އެގޮތުން ވޮއިސްގެ ޚަބަރުތައް ދިވެހި، އިނގިރޭސި އަދި ބެންގާލީ ބަހުން ކިޔާލަން ލިބޭނެއެވެ. މީގެ އިތުރުން ރ.އަތޮޅަށް ޚާއްސަކޮށްގެން "ވޮއިސް އޮފް ރ"ގެ ނަމުގައި ވަނީ ޚާއްސަ އެޑިޝަނެއްވެސް ތައާރަފްކޮށްފައެވެ.

ވޮއިސް ނޫހަކީ ހޯމް މިނިސްޓްރީގައި 16 ޑިސެންބަރު 2018 ގައި ރެޖިސްޓަރ ކުރެވިފައިވާ ނޫހެކެވެ.

Advertisement

ކޮމެންޓް