ހުޅުމާލޭގެ ދެވަނަ ފިޔަވަހީގައި ހިޔާ މަޝްރޫއުގެ ދަށުން އަޅާފައިވާ ފްލެޓްތައް ލިބުނު ފަރާތްތަކުގެ ދާއިމީ ލިސްޓްތައް ވަނީ ސަރުކާރުގެ ގެޒެޓްގައި ޝާއިއުކޮށްފައެވެ.
ފްލެޓްތަކުގެ މައްސަލަތައް ބަލާ ކޮމެޓީން ކުރި އިޢުލާންތަކެއްގައި ވަނީ މިހާތަނަށް ވަގުތީ ލިސްޓް އާންމުކޮށް، ޝަކުވާ ހުށައެޅުމަށް ފުރުސަތު ދިނުމަށްފަހު ލިޔުމުން ޖަވާބު އެރުވުނު ހުރިހާ ކެޓަގަރީތަކެއްގެ ދާއިމީ ލިސްޓްތައް އާންމުކޮށްފައެވެ. މީގެ ތެރޭގައި ހިމެނެނީ އެޗް4 އިން ފެށިގެން އެޗް10ގެ ފްލެޓްތައް ލިބުނު ފަރާތްތަކާއި، އަދި ސިވިލް ސާރވިސް މުވައްޒަފުންނަށް ޚާއްސަކޮށްފައިވާ ފްލެޓްތަކުގެ ދާއިމީ ލިސްޓެވެ. މީގެ އިތުރުން މި ކެޓަގަރީތަކުން ފްލެޓް ލިސްޓަށް ގެނެވުނު ބަދަލުތައްވެސް ވަނީ ފާހަގަކޮށްފައެވެ.
މި ލިސްޓްތައް ބެލުމުގައި އިތުރަށް ފަސޭހަކޮށްދިނުމުގެ ބޭނުމުގައި މި ލިސްޓްތަކުގެ ޕީޑީއެފް ކޮޕީތަކެއް ވާނީ، "ވޮއިސް"ގެ ޓެލެގްރާމް ޗެނަލްގައި ހިމަނާފައެވެ. އެ ޗެނަލަށް ވަނުމަށް މި ޖުމްލައަށް ފިއްތާލުން އެދެމެވެ.
ވޮއިސްގެ ޓެލެގްރާމް ޗެނަލުން ކުއްލި ޚަބަރުތަކާއި، ނޫސްވެރިންގެ ބައްދަލުވުންތަކުގެ އެލާޓްތައް ފޯރުކޮށްދެމުންދާނެއެވެ.
Advertisement
This content is created and paid for by advertisers and does not involve Voice Journalists
