މިއަދު ޗޮކްލެޓް މޫސް ކޭކެއް އަޅަމާ، މިއޮތީ ރެސިޕީ!
މިއަދު "ވޮއިސް"ގެ ކިޔުންތެރިންނާއި މި ހިއްސާކޮށްލަނީ ޗޮކްލެޓް މޫސް ކޭކު ތައްޔާރު ކުރާނެ ގޮތެވެ.
ބޭނުންވާނެ ތަކެތި:
1 ލީޓަރު ކިރު (ފުލް ކްރީމް މިލްކް)
100 މިލިމީޓަރު ހެވީ ކްރީމް
50 ގްރާމް ކޮކޯ ޕައުޑަރ
50 ގްރާމް ކޯން ފްލަރ ( ޒުވާރި ފުށް)
150 ގްރާމް ހަކުރު
400 ގްރާމް ޑާކް ޗޮކޮލެޓް
ތައްޔާރު ކުރާނެ ގޮތް:
އެންމެ ފުރަތަމަ ކިރު، ހެވީ ކްރީމް، ކޮކޯ ޕައުޑަރ، ސްޓާޗް އަދި ހަކުރު ބޯތައްޓެއްގައި އެއްކޮށް ގިރާލާށެވެ.
ދެން ޓްރޭއެއްގެ ތެރެއަށް ކުރިން އެއްކުރި ތަކެތި ފުރާނާލުމަށްފަހު، ޓްރޭ އުނދުންމައްޗަށްލާފައި މަޑު ގިނީގައި ކައްކާލަމުން އޭގެ ތެރެއަށް ޑާކް ޗޮކްލެޓްކޮޅު އަޅާލާށެވެ.
ޑާކް ޗޮކްލެޓްކޮޅު އެއްކޮށް ވިރެންދެން ކައްކާލުމަށްފަހު އެހެން ޓްރޭއެއްގެ ތެރެއަށް އެއްކުރި ފުށްގަނޑު އޮއްސާލާށެވެ.
ދެން ތައްޔާރު ކުރި ޗޮކްލެޓް ފުށްގަނޑު ހަ ގަޑިއިރު ވަންދެން ފްރިޖަށްލުމަށްފަހު ނެގުމުން ޗޮކްލެޓް މޫސް ކޭކް ތައްޔާރު ކުރެވުނީއެވެ.
ބޭނުންނަމަ ކޭކުގެ މައްޗަށް ކޮކޯ ޕައުޑަރ ނުވަތަ މައިލޯ ކޮޅެއް ވެސް އެޅިދާނެއެވެ.
Advertisement
This content is created and paid for by advertisers and does not involve Voice Journalists