ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދަށް އަމާޒުކޮށް މިރޭ ދިން ހަމަލާ އާއި ގުޅިގެން މޯލްޑިވްސް ނެޝަނަލް ޑިފެންސް ފޯސްގެ އެލަރޓް ސްޓޭޓަސް މަތިކޮށްފިއެވެ.
އެމްއެންޑީއެފުން ދެންމެ ވިދާޅުވެފައިވަނީ، ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު، ކެނެރީމަގުގެ ކޮޅުން މަޖީދީމަގާ ވީ ކޮޅުން އެ މަނިކުފާނު ކާރަށް އަރާވަޑައިގަންނަވަނިކޮށް އެއްޗެއް ގޮއްވާލައި، އެމަނިކުފާނުގެ ހަށިކޮޅަށް ގެއްލުން ލިބުމާއި ގުޅިގެން އެމްއެންޑީއެފުން އަންނަނީ ހަރަކާތްތެރިވަމުން ކަމަށެވެ.
އަދި ހާދިސާއާއި ގުޅިގެން އެމްއެންޑީއެފްގެ ސެކިއުރިޓީ ވަރުގަދަކޮށްފައިވާ ކަމަށާއި އެލާޓް ސްޓޭޓަސްވެސް މަތިކޮށްފައިވާ ކަމަށް އެމްއެންޑީއެފުން ވަނީ ވިދާޅުވެފައެވެ.
މިރޭގެ ހާދިސާއާއި ގުޅިގެން ހާދިސާ ހިނގި ސަރަޙައްދުގައި ސިފައިންދަނީ ހަތިޔާރާއިއެކު އެސަރަޙައްދުގައި ހަރަކާތްތެރިވަމުންނެވެ. މިހާދިސާގައި ރައީސް ނަޝީދަށްވެސް އަނިޔާވެފައިވާއިރު އިތުރު 2 ބިދޭސީއަކަށްވެސް އަނިޔާވެފައިވާ ކަމަށް ވަނީ މަޢުލޫމާތު ލިބިފައެވެ.
Advertisement
This content is created and paid for by advertisers and does not involve Voice Journalists
