ފަލަސްޠީނުގެ ޣައްޒާ ސިޓީގައި މިދިޔަ އަހަރު ހުޅުވި "މޯލްޑިވް ޣައްޒާ" ރެސްޓޯރެންޓަށް އިޒުރޭލުން ބޮން އަޅައި އެތަން ސުންނާފަތި ކޮށްލައިފިއެވެ.

އެ ރެސްޓޯރެންޓުގެ ވެރިޔާ އިމާދު އަލްބައްޔާ ބުނެފައި ވަނީ އެ ރެސްޓޯރަންޓް ހުޅުވުމުގެ މައިގަނޑު ބޭނުމަކީ ރާއްޖެއަކީ ޣައްޒާގެ ރައްޔިތުންގެ މެދުގައި ވެސް މަޤުބޫލު މަންޒިލަކަށް ވުމުން ރާއްޖޭގެ ޖަޒީރާވަންތަކަން އިހުސާސް ކޮށްލެވޭ ގޮތަށް ތަނެއް ހެދުން ކަމަށެވެ.

"ޣައްޒާގެ މީހުންނަށް ހިޔެއްނުވޭ ރާއްޖެއަށް ދެވޭނެހެން. އެހެންވެ އަހަރެން ބޭނުންވީ ޣައްޒާއަށް ރާއްޖެ ގެންނަން. ރާއްޖޭގެ ގޮނޑުދޮށްތަކުން ކުރެވޭނެ އިހުސާސް އަހަރެމެން ވެސް އިހުސާސްކޮށްލަން،" ރެސްޓޯރެންޓުގެ ވެރިޔާ އިމާދު އަލްބައްޔާ 

މި ރެސްޓޯރެންޓަށް އަމާޒުވި އެ ހަމަލާގައި ތިން މީހަކު ޒަޚަމުވެފައިވާ ކަމަށާއި ތިން ބުރިއަށް ނަގައިފައި ހުރި މި ރެސްޓޯރެންޓް އެއްކޮށް ބިމާ ހަމަކޮށްލާފައިވާކަމަށް ރިޕޯޓުތައް ބުނެއެވެ.

އިސްރާއީލުން ދިން ހަމަލާތަކުގައި މިހާތަަނަށް ފަލަސްޠީނުގެ 197 މީހުން ޝަހީދުވެފައިވާކަމަށް ރިޕޯޓްތައް ބުނެއެވެ. 

އަދި އޭގެ ތެރޭގައި ގިނަ އަދަދެއްގެ އަންހެނުންނާއި ކުޑަކުދިންވެސް ހިމެނެއެވެ.