އޮގަސްޓު މަހުގެ ނިޔަލަށް މުއްދަތު ހަމަވެފައިވާ އައިޑީކާޑު ބޭނުން ކުރެވޭނެ ކަމަށް ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) އިން މިއަދު ބުނެފިއެވެ.
އެ އިދާރާއިން ނެރުނު ނޫސްބަޔާނެއްގައި ބުނެފައިވަނީ، މިގޮތަށް ނިންމާފައިވަނީ ކޮވިޑް-19ގެ ހާލަތު ގޯސްވެފައިވާ މި ދަނޑިވަޅުގައި ގިނަ ބަޔަކު އެއްވެ އުޅުމަކީ ރަނގަޅު ކަމެއްކަމުގައި ނުފެންނާތީ ކަމަށެވެ.
އަދި ސަރުކާރުން އަޅާފައިވާ ފިޔަވަޅުތަކާ އެކު ޚިދުމަތް ހޯދުމުގައި ދަތިތަކެއް މެދުވެރިވެދާނެ ކަމަށް ފެންނާތީ ނިންމި ނިންމުމެއް ކަމަށްވެސް އެއިދާރާއިން ވަނީ ބުނެފައެވެ.
އެއިދާރާއިން ބުނީ ކާޑުގެ މުއްދަތު ހަމަވެ، ކާޑު އާކުރަން ޖެހިފައިވާ އެންމެންގެ ކާޑުގެ މުއްދަތު މި އަހަރުގެ އޮގަސްޓްގެ ނިޔަލަށް އިތުރުކޮށްފައިވާ ކަމަށެވެ. އަދި ރައްޔިތުންނަށް ޚިދުމަތް ދިނުމުގައި ހުރިހާ މުއައްސަސާއަކުން ވެސް، އައިޑީކާޑުގެ މުއްދަތު ބެލުމުގައި މިގޮތަށް ޢަމަލުކުރުމަށް އެއިދާރާއިން ވަނީ އެދިފައެވެ.
ކާޑުގެ މުއްދަތު އިތުރު ކޮށްފައިވީނަމަވެސް މާލެ ސަރަޙައްދުގައި ދިރިއުޅޭ މީހުންނާއި ރިސޯޓުތަކުގައި މަސައްކަތް ކުރާ މީހުންނަށް އޮންލައިންކޮށް ކާޑު ހެދުމަށް ހުށަހެޅުމުގެ ފުރުޞަތު އޮންނާނެ ކަމަށް އެއިދާރާއިން ބުނެއެވެ.
Advertisement
This content is created and paid for by advertisers and does not involve Voice Journalists
