ކޮވިޑް ޖެހިގެން ފަރުވާދިން ހަތް އަހަރުގެ ކުއްޖަކު ވެންޓިލޭޓަރުން ނަގައިފި
ކޮވިޑް-19ގައި ހާލު ސީރިއަސްވެ ފަރުވާދެމުންދިޔަ އުމުރުން ހަތް އަހަރުގެ ކުއްޖާ ވެންޓިލޭޓަރުން ނަގާފައިވާ ކަމަށް ހެލްތު އެމަޖަންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފިއެވެ.
ކޮވިޑާއި ގުޅޭ ފަހުގެ މަޢުލޫމާތު ޙިއްސާކުރެއްވުމަށް މިއަދު ހެލްތު އިމަޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމެއްގައި ކުޑަކުދިންގެ ޚާއްސަ ޑޮކްޓަރު ޑރ. އަހުމަދު ފައިސަލް ވިދަޅުވީ، ކޮވިޑް ޖެހި ޚާލު ސީރިއަސްވި ކުއްޖާގެ ހާލަތު ރަނގަޅުވެ މިހާރު ވެންޓިލޭޓަރުން ނަގާފައިވާ ކަމަށެވެ.
ފައިސަލް ވިދާޅުވީ، އެ ކުއްޖާގެ ޙާލު މިހާރު ރަނގަޅު ވަމުން އަންނަ ކަމަށާއި، އެ ކުއްޖާ ބަލިން ރަނގަޅުވެ ހޮސްޕިޓަލުން ދޫކޮށްލެވޭނެ ކަމުގެ އުންމީދު އެބައޮތް ކަމަށެެވެ.
ކޮވިޑްގައި މިހާތަނަށް ރާއްޖެއިން ބަލިޖެހުނު މީހުންގެ ޢަދަދު މިވަނީ ހަތްދިހަ ހާހަށްވުރެ މައްޗަށް އަރާފައެވެ. ޢުމުރުން ދުސްވީ މީހުންނަށް މީގެ ނުރައްކާ ވަނީ ބޮޑުވެފައިވާއިރު، މިބަލި ޖެހިގެން ރާއްޖޭަގައި ނިޔާވާ މީހުންގެ ޢަދަދުވެސް މިވަނީ އިތުރުވާން ފަށާފައެވެ.
Advertisement
This content is created and paid for by advertisers and does not involve Voice Journalists