ހުޅުމާލޭގެ އެޕާޓްމަންޓެއްގައި އަލިފާނުގެ ހާދިސާ އެއް ހިނގައި، ބޮޑެތި ގެއްލުންތަކެއް
ހުޅުމާލެ ފުރުތަމަ ފިޔަވަހީގެ އެޕާޓްމަންޓެއްގައި އަލިފާނުގެ ހާދިސާ އެއް ހިނގައިފިއެވެ.
އެމްއެންޑީއެފުން ބުނީ، އަލިފާނުގެ ހާދިސާ ހިނގާފައިވަނީ 94 ވަނަ ފުލެޓްގެ 2ވަނަ ފަންގިފިލާގެ 3ވަނަ އެޕާޓްމަންޓުގައި ކަމަށެވެ.
<br>
އަދި އެތަނުގައި 11 ބިދޭސީން ދިރިއުޅޭއިރު އެ އެޕާޓްމަންޓަށް ދުމުގެ އަސަރުކޮށް، ބޮޑެތި ގެއްލުންތަކެއް ވެފައިވާ ކަމަށާ، ނަމަވެސް ހާދިސާގައި، އެއްވެސް މީހަކަށް އަނިޔާވެފައި ނުވާކަމަށް އެމްއެންޑީއެފުން ބުނެއެވެ.
އަލިފާންގަނޑު ކޮންޓްރޯލް ކުރެވިފައިވީ ނަމަވެސް އެތަނަށް ބޮޑެތި ގެއްލުންތަކެއް ވަނީ ލިބިފައެވެ. އެގޮތުން އެމްއެންޑީއެފް އިން ސޯޝަލް މީޑިއާ ގައި ހިއްސާކޮށްފައިވާ ފޮޓޯތަކުން ފެންނަ ގޮތުގައި އެ އެޕާޓްމެންޓަށް ވަނީ ބޭނުން ނުކުރެވޭ ވަރަށް ގެއްލުން ލިބިފައެވެ.
ހާދިސާ ހިނގަން ދިމާވި ސަބަބު ކަމާ ގުޅުންހުރި އިދާރާތަކުން އަދި ސާފުކޮށްދީފައެއް ނުވެއެވެ.
Advertisement
This content is created and paid for by advertisers and does not involve Voice Journalists
