އާންމުން ހައްޖަށް ދިއުމަށް މޯލްޑިވްސް ހައްޖު ކޯޕަރޭޝަން ލިމިޓެޑަށް ދައްކާ ފައިސާއިން ޒަކާތް ދައްކަން ޖެހޭނެ ކަމަށް ރާއްޖޭގެ އިސްލާމީ ފަތުވާދޭ އެންމެ މަތީ މަޖިލީހުން ބުނެފި އެވެ.
ހައްޖު ކޯޕަރޭޝަން މެދުވެރިކޮށް ހައްޖަށް ދިއުމަށް ދައްކާ ފައިސާއިން ޒަކާތް ދިނުމާ ގުޅޭ ގޮތުން ފަތުވާ މަޖިލީހަށް ހުށަހެޅުނު މައްސަލައާ ގުޅިގެން އެ މަޖިލީހުން މިއަދު ވަނީ އެކަމާއި ގުޅޭ ގޮތުން ފަތުވާއެއް ނެރެފައެވެ.
އެ ފަތުވާގައި ބުނީ، މޯލްޑިވްސް ހައްޖު ކޯޕަރޭޝަން ލިމިޓެޑުން ފަތުވާ މަޖިލީހަށް ދިން މައުލޫމާތުގެ އަލީގައި އެ މަޖިލީހުގެ މެންބަރުން އެ މައްސަލަ ދިރާސާކޮށްފައިވާ ކަމަށެވެ.
އަދި ދިރާސާ ކުރުމަށްފަހު ނިންމާފައި ވަނީ އާންމު ރައްޔިތުން ހައްޖަށް ދިއުމަށް މޯލްޑިވްސް ހައްޖު ކޯޕަރޭޝަން ލިމިޓެޑަށް ދައްކާ ފައިސާއިން ޒަކާތް ދައްކަން ޖެހޭނެ ކަމަށާ، އެ ފައިސާ ދައްކާނީ މޯލްޑިވްސް ހައްޖު ކޯޕަރޭޝަން ލިމިޓެޑުން ކަމަށްވެސް ފަތުވާ މަޖިލީހުން ބުންޏެވެ.
ރާއްޖެއިން މިހާރު މީހުން ހައްޖަށް ގެންދަނީ ހައްޖު ކޯޕަރޭޝަނުންނެވެ. ހައްޖަށް ދިއުމަށް އެ ކޯޕަރޭޝަނުން ކަނޑައަޅާފައިވާ އަގަކީ 69،965 ރުފިޔާ އެވެ
Advertisement
This content is created and paid for by advertisers and does not involve Voice Journalists
