އެއް ޖިންސުން ގުޅުން ހިންގާ މީހުން މަރާލުމަށް ގޮވާލާ އިންޒާރުގެ ލިޔުމެއް ހުޅުމާލެ ފިހާރައެއްގައި ހަރުކޮށްފިއެވެ.

މި ލިޔުން "ވޮއިސް" ގެ ނޫސްވެރިއަކަށް ފެނިފައިވަނީ މިއަދު ހެނދުނުގެ ވަގުތެއްގައެވެ. 

ހުޅުމާލެގައި ޗެޕްސް ފިހާރައިން ހިނގާ ބްރޭންޑް އެމް ނަމަކަށް ކިޔާ ފިހާރައިގެ ދޮރުގައި ހިއްޕާައިވާ ލިޔުމުގައި ވަނީ އިސްލާމް ދީނާއި  ދިވެހިރާއްޖޭގައި އެއް ޖިންސުން ގުޅުން ހިންގާ މީހުންނަށް ޖާގަނެތް ކަމާއި, ހުރިހާ ލިވާތީން މަރާލުމަށެވެ. 

Advertisement

މި މައްސަލާގައި ފުލުހުންގެ ބަހެއް މިހާތަނަށް ލިބިފައެއްނުވެއެވެ.

މިފަދަ އިންޒާރެއް ލިބިފައި މިވަނީ އެއް ޖިންސުން ގުޅުން ހިންގުމާއި, ހާމަކަން ބޮޑުކޮށް މީސްމީޑީއާގައި ބަރަހަނާވާ މައްސަލަތައް ގިނަ ވެފައިވާ ދަނޑިވަޅެއްގައެވެ. ފުލުހުން މިފަދަ މައްސަލަތައް ބެލުމުގައި އިހުމާލުވެ, މިފަދަ އަމަލު ކުރާ މީހުނާ މެދު ފިޔަވަޅު ނާޅާ ދޫކޮށްފައި ވުމުން ގިނަ ރައްޔިތުން މިހާރު ވެސް ފުލުުހުންނާއި ސަރުކާރަށް އަންނަނީ ބޮޑެތި ފާޑުކިޔުންތައް އަމާޒުވަމުންނެވެ.

އެގޮތުން ނަބީލް (ޔާޔާ) ބިރަކާ ނުލައި ބަރަހަނާވެ ވީޑީއޯ އަޕްލޯޑު ކުރާ މައްސަލާގައި އެއްވެސް ފިޔަވަޅެއް މިހާތަނަށް ފުލުހުން އަޅާފައި ނުވާ އިރު, ސަރުކާރުގެ އިސްވެރިންނާއި ނުފޫޒު ގަދަ އެތައް ބައެއް ހިމެނޭހެން ލީކުވެފައިވާ އެއް ޖިންސުން ގުޅުން ހިނގާ މައްސަލާގައި ހައްޔަރު ކުރެވުނު އެންމެން ވަނީ މިނިވަން ކޮށްފައެވެ.