އިންޑިއާގެ ކަރްނާޓަކާ އަވަށުގައި ހަރުކަށި ހިންދޫ ކަނާއަތު ފިޔައިގެ ޖަމާއަތުގެ މީހުންތަކެއް ހިންދޫ ދީނުގެ އަޅުކަން އަދާ ކުރަން މިސްކިތެއް ކައިރިއަށް އެއްވެ، މުސްލިމުން މަރަށް ގޮވާލައިފިއެވެ. 

މުސްލިމުންނާއި ދެކޮޅަށް ހަރުކަށި އަނިޔާ ތަކާއި އަދަބުތައް ދެމުންދާ އިންޑިއާގެ ކަރްނާޓަކާ އަވަށުގައި، ހަރުކަށި ހިންދޫ ޖަމާއަތުގެ މީހުން މި ޢަމަލު ހިންގާފައިވަނީ، އެމީހުން ކަލާނގެ އެއް ކަމަށް ބަލާ 'ގަނޭޝް' ބުދަށް އަޅުކަން ކުރުމަށް ބޭއްވި ހަފްލާއެއްގެ ތެރެއިން ކަމަށް ރިޕޯޓްތައް ބުނެއެވެ. 

އެގޮތުން އެ ބުދަށް އަޅުކަން ކުރުމަށް ބޭއްވި ހަފްލާފެ ތެރެއިން އެމީހުން ވަނީ މިސްކިތެއް ކައިރިއަށް އެއްވެ އަޑުގަދަކޮށް ލަވަޖަހާފައެވެ. އަދި އެ ލަވަ ތަކުގައި ވަނީ މުސްލިމުންނާއި މެދު ލާ އިންސާނީ އަމަލުތައް ހިންގައި، މުސްލިމުން މެރުމަށް ގޮވާލާފައި ކަމަށްވެސް މީޑިއާ ރިޕޯޓްތައް ބުނެއެވެ. 

Advertisement

އިންޑިއާގެ ހަރުކަށި ހިންދޫއިންގެ މި ޢަމަލުގެ ސަބަބުން އެތައް މުސްލިމުންގެ ލޭ ކެކި އެ ސަރަހައްދުގައި ހަމަނުޖެހުންވެސް ވަނީ ހިނގާފައެވެ. 

މީގެ ކުރިންވެސް ހިންދޫ ދީނުގެ އަޅުކަމުގެ ތެރެއިން، ހިންދޫ ހަރުކަށި ގުރޫޕެއްވަނީ މިސްކިތް ކައިރިއަށް އެއްވެ މުސްލިމުން މަރަށް ހިތްވަރުދޭ ލަވަ ޖަހައި ބޮޑު ހަމަނުޖެހުންތަކެއް ހިންގާފައެވެ. އަދި މީގެ އިތުރުން އިންޑިޔާގެ ކަރްނާޓަކާ އަވަށުގައި ވަނީ، ބުރުގާ އަޅައިގެން ސުކޫލަށް ދިއުން ވެސް މަނާ ކޮށްފައެވެ. އެފަދައިން ކަންތައް ކުރުމާއި ގުޅިގެން އިންޑިއާ އަށް އެތައް ބައެއްގެ ފާޑުކިޔުންތައް އަމާޒުވެފައިވީ ނަމަވެސް، އެ ގަވާއިދަށް ބަދަލު ގެނެސްފައެއް ނުވެއެވެ. އަދި ބުރުގާ އަޅައިގެން ކިޔަވަންދާ ކުދިން ބުރުގާ ނުނަގާނަމަ އެ އަވަށުގެ ސުކޫލު ތަކުން އަންނަނީ އެކުދިން ގެއަށް ފޮނުވާލަމުންނެވެ.