ކަސްޓަމަރުންނަށް 40 އިންސައްތައާއި ހަމަޔަށް ޑިސްކައުންޓުތައް ލިބޭ ބޮޑު ޕްރޮމޯޝަނަކާއެކު "ހެޔޮ ފިހާރަ-2" ހުޅުވައިފިއެވެ. 

ހެޔޮ ފިހާރަ-2 ހުންނާނީ ހުޅުމާލޭ 8 ވަނަ ނަންބަރު ނިރޮޅު ގޯޅީގައެވެ. 

އާ ފިހާރައާއެއްކޮށް ކަސްޓަމަރުންނަށް ޚާއްސަ ޕްރޮމޯޝަނެއްވެސް އެ ފިހާރައިންވެސް ވަނީ ފަށާފައެވެ. 

ފިހާރައިގެ މާކެޓިންގ މެނޭޖަރ އައިޝަތު އަމާލް ވޮއިސްއަށް މައުލޫމާތު ދިންގޮތުގައި އެ ޕްރޮމޯޝަން މި މަހުގެ 30 އާއި ހަަމަޔަށް ކުރިއަށްދާނެއެވެ. އަދި އެ މުއްދަތުގެ ތެރޭގައި ފިހާރައަށް ވަޑައިގެން ބައްލަވައިގަންނަ ކޮންމެ މުދަލަކުން 40 އިންސައްތައާއި ހަމަޔަށް ކަސްޓަމުންނަށް ޑިސްކައުންޓު ލިބިގެންދާނެކަމަށެވެ.

ހެޔޮ އިންވެސްޓުމަންޓުގެ ދަށުން ހިންގާ ހެޔޮ ފިހާރ-2 އިން ލިބެން ހުރި ބާވަތްތަކުގެ ތެރޭގައި ޗިކަން ތައި، ޗިކަން ވިންގްސް، ކޮށި ކުކުޅު، ޗިކަން ފިންގާސް، ޗިކަން ބާގަރ، ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ، މޮޒަރެއްލާ ޗީޒް، ގްރީން ޕީސް، ސްވީޓް ކޯން ފަދަ ބާވަތްތައް ހިމެނެއެވެ. 

އައިޝަތު އަމާލް މައުލޫމާތު ދިން ގޮތުގައި ހެޔޮ ފިހާރައަށް ބުރެޒިލް,ތުރުކީ، ޔޫއޭއީ، އިންޑިއާ، ސްރީލަންކާ ފަދަ ގައުމުތަކުން މުދާގެންނައިރު، އާންމުންގެ މެދުގައި އެންމެ މަގުބޫލު ބާވަތެއްގެ ގޮތުގައި ފާހަގަކޮށްފައިވަނީ ކޮށި ކުކުޅެވެ. 

މާލޭގައި ހުންނަ ހެޔޮ ފިހާރަ-1 އިން ހޯލްސޭލްކޮށް އަދި ރިޓެއިލްކޮށް މުދާ ލިބިވަޑައިގަންނަވާނެއެވެ. އަދި ބޯޓު ފެރީ މެދުވެރިކޮށް ރާއްޖޭގެ ކޮންމެ ހިސާބަކަށްވެސް އެ ފިހާރައިން މުދާ ޑެލިވަރީކޮށްދޭނެއެވެ. އޭގެ އިތުރުން މާލޭގެ ކެފޭ އަދި ރެސްޓޯރެންޓުތަކުންވެސް އޯޑަރުކޮށްލުމުން މުދާ ޑެލިވަރީކޮށްދޭނެއެވެ.

ހެޔޮ އިންވެސްޓްމެންޓުން ވަނީ ހުޅުމާލޭގެ ފުރަތަމަ ފިޔަވަހީގައި އެކުންފުނީގެ 'ހެޔޮ ފިހާރަ 2' ހުޅުވާފައެވެ.  މިފިހާރައިން ވެސް އެކުންފުނިން ވިއްކަމުންދާ ހުރިހާބާވަތެއް ލިބޭނެ ކަމަށް އައިޝަތު އަމާލް ވަނީ މައުލޫމާތު ދީފައެވެ. 

ހެޔޮ ފިހާރައިން ލިބެން ހުންނަ ބާވަތްތައް އެ ފިހާރައިގެ ވެބްސައިޓު heyofihaara.com އަދި ފޭސްބުކު ޕޭޖު މެދުވެރިކޮށް ބަލާލެވެން ހުންނާނެއެވެ. 

ބޭނުންފުޅުވާއެއްޗެއް ބައްލަވައިގަތުމަށް ފިހާރައަށްވެސް ވަޑައިގެންނެވޭނެއެވެ. އަދި ހެޔޮ ފިހާރައިގެ ނަންބަރު 9639444 އާއި ގުޅުއްވައިގެން ނުވަތަ ވައިބަރ މެދުވެރިކޮށްވެސް އޯޑަރު ދެއްވޭނެއެވެ. 

2 އަހަރު ދުވަސްތެރޭގައި ހެޔޮ އިންވެސްޓްމެންޓްގެ 2 ވަނަ ފިހާރަ ހުޅުވާފައިވަނީ ކަސްޓަމަރުންގެ ފަރާތުން ލިބޭ އިތުބާރާއި އެއްބާރުލުމުން ކަން ފާހަގަކޮށް އެކުންފުނީގެ ކަސްޓަމަރުންނަށް އައިޝަތު އަމާލް ވަނީ ޚާއްސަ ޝުކުރެއް އަދާކޮށްފައެވެ.