ބައެއް މެޖިސްޓްރޭޓް ކޯޓުތަކުގެ ސެކިއުރިޓީ އޮފިސަރުން ވަޒިފާއިން ވަކިކުރުމަށް ޑިޕާޓްމަންޓް އޮފް ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފިއެވެ.
ޖޭއެސްސީން މެޖިސްޓްރޭޓް ކޯޓުތަކަށް ފޮނުވާފައިވާ އެންގުމެއްގައި ބުނީ، އެކި ފޭސް ތަކަށް ބަހާލަލައިގެން މެޖިސްޓްރޭޓް ކޯޓުތަކުގައި ސެކިއުރިޓީ ހަރުކުރުމުގެ މަސައްކަތް ކުރިއަށްދާ ކަމަށެވެ. އަދި އެގޮތުން ސެކިއުރިޓީ ކެމެރާ ހަރުކުރެވޭ ކޯޓު ތަކުގެ ވޮޗަރުންގެ މަގާމު އުވިގެން ދާނެ ކަމަށްވެސް އެ އެންގުމުގައި ވެއެވެ.
ޖޭއެސްސީީގެ އެ އެންގުމުގައި އިތުރަށް ބުނީ، ވޮޗަރުން އުނިވެގެން ދިއުމުގެ ސަބަބުން، ހުސްވާ ވޮޗަރުންގެ މަގާމަށް އިތުރު ދާއިމީ މުވައްޒަފުން އިއުލާނު ކުރުމުގެ ބަދަލުގައި ކުރިއަށް އޮތް ތަނުގައި ކޯޓުތަކުގެ ސެކިއުރިޓީ ބެލެހެއްޓުން ސެކިއުރިޓީ ކެމެރާ ހަރުކޮށްގެން ކުރިއަށް ގެންދިޔުމަށް ހަމަޖެހިފައިވާ ކަމަށެވެ.
އެހެން ކަމުން ހުސްވާ މަގާމުތަކަށް ވޮޗަރުން ހޯދަން ބޭނުންވާނަމަ ކޮންޓްރެކްޓެ އުސޫލުން ނުވަތަ ޕްރޮކިއުމަންޓް އުސޫލުން އެކަން ކުރިއަށް ގެންދިޔުމަށްވެސް އެ އެއްގުމުގައިވެއެވެ.
Advertisement
This content is created and paid for by advertisers and does not involve Voice Journalists
