ސިޔާސީ ޕާޓީތަކުން ވެފައިވާ ވައުދުތަކަކީ ޕާޓީތަކުގެ މެނިފެސްޓޯތަކުގައި ލިޔެފައިވާ ވާހަކަތަކެއް ކަމަށާއި، ރައީސުލްޖުމްހޫރިއްޔާ ރައްޔިތުންނަށް ވިދާޅުވާ ވާހަކަފުޅަކީ ވަޢުދުފުޅެއް ނޫންކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝިދު ވިދާޅުވެއްޖެއެވެ.

އެމަނިލުފާނު މިފަދައިން ވިދާޅުވީ، މިއަދު ކުރިއަށްދާ ރައްޔިތުންގެ މަޖިލީގެ ޖަލްސާގައި ކުޑަހުވަދޫ ދާއިރާގެ މެންބަރު އަޙްމަދު އާމިރު ހައުސިން މިނިސްޓަރ މުހައްމަދު އަސްލަމާއި ކުރެއްވި ސުވާލަކަށް ޖަވާބު ދެއްވަމުންނެވެ.

އެކަމާއި ގުޅޭގޮތުން ރިޔާސަތުގައި އިންނެވި މަޖިލީހުގެ ރައީސް މުޙައްމަދު ނަޝީދު ވިދާޅުވީ، ރައީސްގެ ވާހަކަފުޅުތަކާއި ގުޅިގެން ވަރަށް ގިނަ މެންބަރުން އެއީ ރައީސްގެ ރިޔާސީ ވަޢުދުކަމަށް ފާހަގަކުރައްވާކަމަށެވެ. ނަޝީދު ވިދާޅުވީ، އެއީ ވައުދެއް ނޫންކަމަށާއި، ރައީސްގެ ވައުދަށް ވާނީ މެނިފެސްޓޯގައި ފާހަގަކޮށްފައި ހުންނަ ކަންކަންކަމަށްވެސް ނަޝީދު ވިދާޅުވިއެވެ.

Advertisement

އެމަނިކުފާނު ވިދާޅުވީ އިންތިހާބުތަކާއި ގުޅުވައި ޕާޓީތަކުން ދައްކާ ބައެއް ވާހަކަތައް އެއީ ކެމްޕޭނަށް ދަމާފައި ހުންނަ ބެނާތަކުގައި، އެ ބެނާތައް ތައްޔާރުކުރި "ކުދިން އަމިއްލައަށް ލިޔެފައިވާ ވާހަކަތައް" ކަމަށް ވެސް ބައެއް ޕާޓީތަކުން ކުރިން ބުނެފައިވާ ކަމަށެވެ.