Advertisement
ފްލެޓް ލިބޭ 40 ޕަސެންޓް މީހުން ހަމައަށް ކުލި ނުދައްކާ: އަސްލަމް
ސަރުކާރުން ރައްޔިތުންނަށް ދީފައިވާ ބޯހިޔާވަހިކަމުގައި ދިރިއުޅޭ މީހުން ދައްކަން ޖެހޭ މަހު ކުލި ނުދައްކާ 40 ޕަސެންޓު މީހުން އުޅޭ ކަމަށް ޕްލޭނިން އެންޑް ހައުސިން މިނިސްޓަރު މުހައްމަދު އަސްލަމް ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ހައުސިން މިނިސްޓަރ ވިދާޅުވީ، މާލޭގައި ދިރިއުޅޭނެ ތަނެއް ނެތިގެން ހުޅުމާލެއިން ބިން ހިއްކައިގެން ރައްޔިތުންނަށް ބޯހިޔާވަހިކަން ހޯދައިދިނުމަށް ސަރުކާރުން ގިނަ މަސައްކަތްތަކެއްކޮށްފައިވާ ކަމަށެވެ.
ސަރުކާރުން ރައްޔިތުންނަށް ތަންތަން ދެނީ އަނބުރާ ފައިސާ ދައްކާ ގޮތަށް ކަމަށް ވިދާޅުވެ އަސްލަމް ވަނީ އެކަމުން ނުރަނގަޅު ނަތީޖާތަކެއް ވެސް އެބަހުރި ކަމަށް ވިދާޅުވެފައެވެ. އެގޮތުން މިނިސްޓަރ ވަނީ އެތަންތަނުގައި ދިރިއުޅޭ ފަރާތަތަކުގެ ތެރެއިން 30-40 އިންސައްތަ އާ ދެމެދުގެ އަދަދަކަށް ދައްކަންވާ ލާރި ހަމައަށް ނުދައްކާ ކަމަށް ވިދާޅުވެފައެވެ.
"އަޅުގަނޑު އަތުގައި ޑޭޓާ އެބަހުރި. 30 ޕަސެންޓާ 40 ޕަސެންޓު މީހުން ޑީފޯލްޓުވޭ. ދައްކަންވާ ލާރި ހަމައަށް ނުދައްކާ. ލޯނެއް ނެގީމާ އެޗްޑީއެފްސީގެ ލޯނުގެ ޑީފޯލްޓަކީ ލެސްދޭން ވަން ޕަސެންޓު، ބޭންކް އޮފް މޯލްޑިވްސްގެ ލެސް ދޭން 2.5 ޕަސެންޓު. ސަރުކާރަށް ދައްކަންވީމަ އެމްބީއެލް އަކީ 30 ޕަސެންޓާ 40 ޕަސެންޓު،" އަސްލަމް ވިދާޅުވިއެވެ.
އަސްލަމް ވިދާޅުވީ، 200އެއްހާ ގެ އަޅައިގެން ސަރުކާރަށް އެކަން ކުރެވިދާނެ ކަމަށެވެ. އެހެންނަމަވެސް ހާހުން ގެ ނުވަތަ ފްލެޓު އަޅައިގެން އެކަން ނުކުރެވޭނެ ކަމަށް އަސްލަމް ވިދާޅުވިއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
