ރާނީ އެލިޒަބަތަކީ ދުނިޔެދުއް އެންމެ ވަރުގަދަ އަންހެން ވެރިޔާ ކަމަށް ރައްޔިތުން މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވެފައިވަނީ ރާނީ އެލިޒަބަތު ދެވަނަ، އަވަހާރަ ވުމާއި ގުޅިގެން އިނގިރޭސި ޝާހީ އާއިލާއަށް ތައުޒިޔާ ވިދާޅުވެ ކުރެއްވި ޓުވީޓެެއްގައެވެ. އަދި ނަސްލަކަށް ކުލައަކަށް ނުބައްލަވާ އެކަމަނާ ދުނިޔޭގެ އެކި ކަންކޮޅުތަކުގެ މީހުންނާއި ގުޅުން ބަދަހި ކުރުމަކީ ދެވަނައެއް ނެތް ފަދަ މިސާލެއް ކަމަށް ރައީސް ނަޝީދު ވަނީ ވިދާޅުވެފައެވެ.

އިނގިރޭސިވިލާތުގައި ކިޔަވަވައި ވަޑައިގެން އަދި ހަޔާތުގެ ގިނަ ދުވަސްތަކެއް އެ ގައުމުގައި ހޭދަ ކުރައްވާފައިވާ ރައީސް ނަޝީދަކީ އެ ގައުމާ ދެމެދު އަބަދުވެސް ވަރުގަދަ ގުޅުމެއް ބާއްވަވާ ބޭފުޅެކެވެ.

Advertisement

ރާނީ އެލިޒަބަތު އަވަހާރަ ވެފައިވަނީ އިއްޔެ އެކަމަނާގެ ޑޮކްޓަރުން ހެދި އިވެލުއޭޝަނަކަށް ފަހު އެކަމަނާގެ ސިއްހީ ހާލުކޮޅާ މެދު ކަންބޮޑުވާ ކަމަށް ބުނުމުން އެޑްމިޓްކޮށް ފަރުވާދެމުން ދަނިކޮށެވެ. ބީބީސީއިން އާންމުކުރި ގޮތުގައި އެކަމަނާ އަވަހާރަ ވެފައިވަނީ އިނގިރޭސި ވިލާތުގެ ގަޑިން އިއްޔެ މެންދުރު ފަހުގެ ވަގުތެއްގައި އެވެ.