ދިވެހި ރާއްޖޭގައިވެސް "މެކްސިކަން ފުޑް" ގެ ރަހަތަށް ތަޖުރިބާކޮށްލަން ބޭނުންވާ ޒުވާނުން މަދެއް ނޫނެވެ.  

މީރު ޓާކޯސްއެއް ނޫނީ ނާޗޯސްއެއް ކެއުމުގެ ކޮންމެސް އެއް ގަޑިއެއްގައި ހިމަނާލުމަކީ މިހާރު ހަމަ "މަސްޓު" ކަމަކަށް ވެއްޖެއެވެ. 

އެހެން ނަމަވެސް އަދި މި ބާވަތުގެ ކެއުންތައް ރެސްޓޯރެންޓުތަކުގައި އެހާ އާންމެއް ނޫނެވެ. އަމުދުންވެސް "އޮތެންޓިކް މެކްސިކަން ފުޑް" ލިބެން ނުހުންނަކަމީ އެ ކެއުމަށް ލޯބިކުރާ ޒުވާނުންގެ ޝަކުވާއެކެވެ. 

އެހެން ނަމަވެސް މިފަހުން ހުޅުމާލޭގައި ހުޅުވި "ލެ-އަމީގޯސް" އާ އެކު އޮތެންޓިކް މެކްސިކަން ފުޑް ގެ ރަހަތަކަށް ކުރަމުން އައި އިންތިޒާރު ގާތް ގަނޑަކަށް ހެން އެ އޮތީ ނިމުމަކަށް އައިސްފައެވެ. 

މިއީ ހަމަ ބުނެލާ ވާހަކައެއް ނޫނެވެ. މިއީ ރެސްޓޯރެންޓަށް ޒިޔާރަތްކޮށް، އެތަނުގެ ރަހަތަށް ތަޖުރިބާ ކުރުމަށްފަހު ބުނާ ވާހަކައެކެވެ. 

އެ ރެސްޓޯރެންޓަށް ވަދެވުމާއެކުވެސް މެކްސިކޯގެ ވައްޓަފާޅި ހުރިކަން އިހުސާސް ކުރެވުނެވެ. ރެސްޓޯރެންޓު ފަރުމާކޮސށްފައިވާ ގޮތާއި، ތަނުގައި ހުރި މިއުޒިކާއެކު މެކްސިކޯ ވަންތަ ކަމުގެ އިހުސާސް ކުރެވެން ފެށިއެވެ. ވަދެގެން ދިޔައިރު ހިނިތުން ވުމާއެކު އެ ކީ މަރުހަބާއަކީ މި ފަހަކަށް އައިސް ރެސްޓޯރެންޓަކުން ތަޖުރިބާ ކުރެވިފައި ނުވާވަރުގެ މެހެމާންދާރީއެކެވެ. 

ރެސްޓޯރެންޓުގައި އިނށީދެ ހަމަޖެހިލުމާއެކު އެ ގެނައީ މެކްސިކޯގެ އެކި ވައްތަރުގެ ކާއެއްޗެހި އެކުލެވޭ މެނޫއެކެވެ. މީގެ ކުރިން އަޑުއިވިފަ ނުވާ ބާވަތްތައް އެ މެނޫގައި ހުއްޓެވެ. 

ނާޗޯސް އާއި ޓާކޯސް އަކީ ދިވެހިންގެ ތެރޭގައި އެންމެ މަގުބޫލު ބާވަތްތައް ނަމަވެސް މެކްސިކަން ފުޑް ގެ ރަހަތަށް ތަޖުރިބާކޮށްލަން ބޭނުންވާ ފަރާތްތަކަށް "މަސްޓް ޓްރައި" އެތައް ވައްތަރުތަކެއް އެ މެނޫގައި ހުއްޓެވެ. 

ކަން ދިމާކުރި ގޮތުން ރެސްޓޯރެންޓުގެ އޯނަރާއި ވާހަކަދައްކާލުމުގެ ފުރުސަތު ލިބުނެވެ. 

އެ ރެސްޓޯރެންޓާއި މެދުގައި އުފެދުނު ޝައުގުވެރިކަމެއްގެ ބޮޑުކަމުން، މިއީ ކިހެނެއް އައި "އައިޑިއާ" އެއް ތޯވެސް އަހާލީމެވެ. 

ހިނިތުންވުމަކާއެކު މެނޭޖަރު ކިޔައިދިން ގޮތުގައި، މިއީ ސީދާ މެކްސިކަން ފުޑް އަށް ލޯބި ކުރާ މީހުންނަށް ޚާއްސަކޮށް ހުޅުވި ރެސްޓޯރެންޓެކެވެ. މެކްސިކަން ފުޑަކީ ރާއްޖޭގައި މަގުބޫލުކަން ހޯދަމުން އަންނަ ބާވަތެއްކަމުން އެ ބާވަތުގެ ރަަހަތަށް އާންމުންނާއި ހަމަޔަށް ފޯރުކޮށްދިނުމަކީ ވަރަށް ހިތްހަމަ ޖެހޭ ކަމެއްކަމަށް އޭނާ ކިޔައިދިނެވެ. އަދި އޮތެންޓިކް މެކްސިކަން ރަހަތައް ހުޅުމާލޭގައި ހުންނަ ލެ-އެމީގޯސްއިން ލިބޭނެ ކަމުގެ ޔަގީންކަން ދެއްވިއެވެ. 

އެ ރެސްޓޯރެންޓަކީ އާއިލާއާއި އެއްކޮށް އައިސް އުފާވެރި ވަގުތު ކޮޅެއް ހޭދަކޮށްލުމަށްވެސް ހަމަ ދެވަނަ އެއް ނެތް ފަދަ ތަނެކެވެ. 

އޭގެ އިތުރުން ރެސްޓޯރެންޓުގެ ލޮކޭޝަންއާއި ތަނުގެ ޕްރައިވެސީ ރަނގަޅުވުމާއެކު އެއީ "ގާލްފްރެންޑް" ގޮވައިގެން ނުވަތަ "ވައިފް" ގޮވައިގެން ޑިނާ ތަކަށް އައުމަށް އެއްވަނައިގެ ތަނެކެވެ. 

ކޮންމެއަކަސް ލެ-އަމީގޯސްއިން ކުރެވުނީ ވަރަށް ތަފާތު ތަޖުރިބާއެކެވެ. އެތަނުގެ ރަހަތަށް ވަރަށް މީރެވެ. ބުއިންތައް އެހާމެ މީރެވެ. ޑެސަރޓްވެސް ހަމަ އެހާ މީރެވެ. 

މިއީ މިހެން ބުނެލާ އެއްޗެއް ނޫނެވެ. މިއީ ހަމަ ތަޖުރިބާ ކޮށްލަން ރަނގަޅު ތަނެކެވެ. އަގުތައްވެސް ހުރީ އަތްފޯރާ ފަށުގައެވެ. 

"މެކްސިކަން ފުޑް" ކާހިތްވަންޏާ ލެ-އަމީގޯސް ވަރެއް ހަމަ ނެތެވެ.