އަމީނީމަގުގައި ތާރު އެޅުމަށް އެމަގުގައި ހުރި ގަސްތައް ކަނޑާތީ އެކަން ހުއްޓުވުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ފަރާތްޕުޅުން ސިވިލް ކޯޓަށް މައްސަލައެއް ހުށަހަޅައިފި އެވެ.
ނަޝީދުގެ ފަރާތުން އެ މައްސަލަ ހުށަހަޅަނީ ޝުނާނާ އެންޑް ކޯ ލޯ ފާމުންނެވެ.
ޝުނާނާގެ ލޯ ފާމުން ކުރި ޓްވީޓެއްގައި ވަނީ އެމައްސަލަ ކޯޓަށް ހުށަހެޅިކަން "ވޮއިސް"އަށް ކަށަވަރު ކޮށްދީފައެވެ.
އެ މައްސަލާގައި ވަނީ އަމީނީމަގުގައި ހުރި ގަސްތައް އުފުރަމުންދިއުން ވަގުތުން ހުއްޓުމަށް ވަގުތީ އަމުރެއް ނެރެދިނުމަށް ވެސް އެދިފަ އެވެ.
ރައީސް ނަޝީދު ވިދާޅުވީ އަމީނީ މަގު ހެދުމުގެ ނަމުގައި އެ މަގުގެ ގަސްތައް ނަގާ ވާހަކައިގެ ކަންބޮޑުވުން މީގެ ކުރީންވެސް އެ މަނިކުފާނު މެންބަރުންނާއި އާންމުން ރައްޔިތުންގެ ސަމާލު ކަމަށް މަޖިލީޖުގެ ރިޔާސަތުގައި އިންނަވައިގެން ގެނެސް ދެއްވާފައިވާނެ ކަމަށެވެ. އަދި އަމީނީ މަގުގައި ހުރި ގަސްތައް ކަނޑަމުންދާތީ އެކަމުގެ ކަންބޮޑުވުން އާންމުންވެސް ދަނީ ކުރަމުންނެވެ.
ސަރުކާރުގެ ބަޖެޓުން 84 މިލިއަން ރުފިޔާ ހަރަދުކޮށްގެން އާރުޑީސީ އާއި އަމީނީ މަގުގެ މަސައްކަތް ހެދުމުގެ މަޝްރޫއު ހަވާލުކޮށްފައިވަނީ 210 ދުވަހުގެ ތެރޭގައި ނިންމާ ގޮތަށެވެ. މި މަޝްރޫއުގެ ދަށުން އަމީނީ މަގުގައި ތާރު އަޅާ ތަރައްގީ ކުރުމަށް ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
