މިއަދު ފާހަގަކުރާ ޓީޗަރުންގެ ދުވަހާ ގުޅިގެން އެސްޓީއޯއިން ޓީޗަރުންނަށް ޚާއްސަ ޑިސްކައުންޓެއް ތައާރަފްކޮށްފި އެވެ.

އެސްޓީއޯއިން ބުނީ އެ ކުންފުނިން ވިއްކާ ބައެއް ބާވަތްތަކުގެ މުދަލުން މުދައްރިސުންނަށް ޑިސްކައުންޓް ލިބޭނެ ކަމަށެވެ. އަދި މި ޑިސްކައުންޓަކީ މުޅި ރާއްޖޭގެ ހުރިހާ މުދައްރިސުންނަށް ލިބޭނެ ޑިސްކައުންޓެއް ކަމަށާއި މިއީ އެއް ދުވަހަށް ކަނޑައެޅިފައިވާ ޑިސްކައުންޓެއް ނޫން ކަމަށް ވެސް އެ ކުންފުނިން ބުންޏެވެ.

"މިއީ އެސްޓީއޯއިން ރާއްޖޭގެ ސަރުކާރު އަދި ޕްރައިވެޓް ހުރިހާ ސްކޫލްތަކެއްގެ މުދައްރިސުންނަށް ދޭނެ ޑިސްކައުންޓެއް،" އެސްޓީއޯއިން ބުންޏެވެ.

Advertisement

މުދައްރިސުންނަކީ ގައުމު ބިނާކުރުމުގައި ވަރަށް މަތިވެރި ދަޢުރެއް އަދާކުރާ ބައެއް ކަން ފާހަގަކޮށް އެސްޓީއޯއިން ބުނީ އެ ކުންފުނިން އަބަދުވެސް މުދައްރިސުންގެ އަގު ވަޒަންކުރުމަށް އިސްކަންދޭ ކަމަށެވެ.

"އެހެންނަމަވެސް، މުދައްރިސުން ކުރައްވާ ބިޔަ، ބުރަ މަސައްކަތުގެ އަގު ވަޒަންކުރުމަކީ ފަސޭހަކަމެއްނޫން،" އެސްޓީއޯއިން ބުންޏެވެ.

އަދި މި ޓީޗަރުންގެ ދުވަހު އެސްޓީއޯއިން ޓީޗަރުންނަށް ދިން މި ހަދިޔާ، ރާއްޖޭގެ ހުރިހާ މުދައްރިސުންނަށް ކަމުދާނެކަމަށް އުންމީދުކުރާ ކަމަށްވެސް އެ ކުންފުނިން ބުންޏެވެ.