ގައުމީ ސަލާމަތާ ގުޅުން ހުރި ކަންކަމުގައި ބީލަމަކަށް ހުޅުވާނުލައި، ސިންގަލް ސޯސް ޕްރޮކިޔުމަންޓް އުސޫލުން ސަރުކާރަށް ބޭނުންވާ ތަކެތި ގަތުމާއި ހިދުމަތް ހޯދަން ފުލުހުންގެ ކޯޕަރޭޓިވްތަކާ ހަވާލުކުރެވޭ ގޮތަށް ގަވާއިދު އިސްލާހުކޮށްފިއެވެ.
ޕްރޮކިޔުމަންޓުގެ ކަމެއް ކުރަން ހުއްދަ ދެވޭ މިންގަނޑުގެ ގޮތުގައި މާލިއްޔަތު ގަވާއިދުގައި ބަޔާންކުރާ މާއްދާ އިސްލާހުކޮށްފައިވަނީ
ޕްރޮކިޔުމަންޓުގެ ކަމެއް ކުރަން ހުއްދަ ދެވޭ މިންގަނޑުގެ ގޮތުގައި މާލިއްޔަތު ގަވާއިދުގައި ބަޔާންކުރާ މާއްދާ އަށް ގެނުވުނު އިސްލާހާއި އެކު، ގައުމީ ސަލާމަތަށް ނުރައްކާވެދާނެ ހާލަތެއް މެދުވެރިވެދާނެ ކަމަށް ގައުމީ ސަލާމަތާބެހޭ މަޖިލީހަށް ނިންމައިފި ނަމަ، ސިންގަލް ސޯސް ޕްރޮކިޔުމަންޓް އުސޫލުން ތަކެތި ގަތުމާއި ހިދުމަތް ހޯދުން ސަރުކާރުގެ 50 ޕަސަންޓަށް ވުރެ ބޮޑު މެޖޯރިޓީ ހިއްސާއެއް އޮންނަ ކުންފުނިތަކާއި، ނުވަތަ ދިފާއީ ސަލާމަތާބެހޭ ވުޒާރާގެ ތެރެއިން އުފައްދައިފައިވާ ކޯޕަރޭޓިވް ސޮސައިޓީއަކަށް މަސައްކަތް ހަވާލުކުރެވޭނެކަމަށް އެ އިސްލާހުގައި ބަޔާންކޮށްފައިވެއެވެ.
2020 ވަނަ އަހަރުގެ ޑިސެމްބަރު މަހުގެ ތެރޭގައި ގައުމީ ސަލާމަތާބެހޭ މަޖިލީހުގެ މަޝްވަރާގެ މަތިން މި އިސްލާހު ގެނެސްފައިވާއިރު، ފިނޭންސް މިނިސްޓްރީން ވަނީ، މާލިއްޔަތު ގަވާއިދުގެ އެ މާއްދާއަށް، ދާހިލީ ސަލާމަތާ ބެހޭ ވުޒާރާގެ ދާއިރާގެ ތެރެއިން އުފައްދާފައިވާ ކޯޕަރޭޓިވް ސޮސައިޓީތައް ވެސް ހިމަނާފައެވެ.
އެހެންކަމުން އެ ގަވާއިދުގެ ދަށުން އަންނަ އެންމެހާ ކޯޕަރޭޓިވް ތަކަށް ސިންގަލް ސޯސް ޕްރޮކިޔުމަންޓް އުސޫލުން ތަކެތި ގަތުމާއި ހިދުމަތް ހޯދޭނެއެވެ.
Advertisement
This content is created and paid for by advertisers and does not involve Voice Journalists
