އެމްއޭސީއެލް އިން ކުރިއަށްގެންދިޔަ އެއާ ޓްރެފިކް ކޮންޓްރޯލަރުން ތަމްރީނު ކުރުމުގެ ބޭސިކް ކޯހުގެ ތިންވަނަ ބެޗް ނިންމާލައިފި އެވެ.
އާ ރެކްރޫޓުންނަށް ބޭނުންވާ ތިއޮރެޓިކަލް މައުލޫމާތު ފޯރުކޮށްދިނުމާއި، އޭޓީސީގެ ރޭޓިންނަށް ތައްޔާރު ކުރުވުމުގެ މަގުސަދުގައި މިދިޔަ އޮގަސްޓް 21 އިން ފެށިގެން އަށް ހަފްތާގެ މުއްދަތަށް ކުރިއަށް ގެންދިޔަ މި ކޯހުގައި ޖުމްލަ ނުވަ އެއާ ޓްރެފިކް ކޮންޓްރޯލަރުން ތަމްރީނު ކޮށްފައިވެއެވެ. އަދި ކޯހުގެ ހުރިހާ ބައިވެރިން ނަކީ ވެސް އެއާ ޓްރެފިކް ސެންޓަރު (އޭޓީސީ) އަށް އަލަށް ޖޮއިންކުރާ ކުދިންނެވެ.
އެމްއޭސީއެލްގެ އެ ކޯސް ފެސިލިޓޭޓްކޮށްދެއްވީ އޭޓީސީގައި މަސައްކަތްކުރާ ދިވެހި ޓްރެއިނަރުން ކަމަށާއި ކޯސް ފަރުމާކޮށްފައިވަނީ އިންޓަރނޭޝަނަލް ސިވިލް އޭވިއޭޝަން އޯގަނައިޒޭޝަން (އައިކާއޯ)ގެ ޝަރުތުތަކާ އެއްގޮތަށް ކަމަށް ވެސް އެމްއޭސީއެލް އިން ބުނެ އެވެ.
ތަމްރީނު ފުރިހަމަކުރި މުވައްޒަފުން ދެން މަސައްކަތް ކުރާނީ މޯލްޑިވްސް އެއާ ޓްރެފިކް ކޮންޓްރޯލް ސެންޓަރާއި، ވެލާނާ އެއާޕޯޓުގެ އެއާ ޓްރެފިކް ކޮންޓްރޯލް ޓަވަރުގެ އިތުރުން އެހެނިހެން ރީޖަނަލް އެއާޕޯޓްތަކުގެ ޓަވަރުތަކުގަ އެވެ.
އެއާ ޓްރެފިކް ކޮންޓްރޯލް އޮފިސަރުން ތަމްރީނު ކުރުމަށާއި، މައުލޫމާތު އިތުރުކޮށް، ގާބިލްކަން އިތުރުކުރުމުގެ ތަމްރީނު ޕްރޮގްރާމްތައް އެމްއޭސީލް އިން ގަވާއިދުން ހިންގަ އެވެ.
Advertisement
This content is created and paid for by advertisers and does not involve Voice Journalists
