އައްޑޫ ސިޓީ އިކުއެޓޯރިއަލް ހޮސްޕިޓަލުގައި ހުރި ޑީކޯ ޗެމްބަރު ތިނަދޫއަށް ގެންގޮސްފިއެވެ. 

ޑީކޯ ޗެމްބަރަ އަކީ ފީނުމުގެ ތެރޭގައި ޑީކޮމްޕްރެޝަން ސިކްނެސް ވާ ފަރާތްތަކަށް ފަރުވާދޭން ބޭނުން ކުރާ އެއްޗެކެވެ.

އައްޑޫ ސިޓީގައި ހުރި ޑީކޯ ޗެމްބަރު ތިނަދުއަށް ގެންދިއުމާއި ގުޅިގެން އައްޑޫ ސިޓީގެ ކައުންސިލް މެމްބަރު އާމިނަތު ސަލްމާ ރާއްޖޭގެ އޮންލައިން ނޫހަކަށް ކިޔައިދިން ގޮތުގައި ޑީކޯ ޗެމްބަރ އެ ސިޓީއިން ގެންދިޔައީ އެއީ މާކުރީގެ މޮޑެލް އަކަށް ވެފައި އެ ބަލަހައްޓަން އުނދަގޫވާނެ ކަމަށް ބުނެފައެވެ. 

Advertisement

އެހެން ނަމަވެސް ބާވެފައިވާ މޮޑެލްގެ ޑީކޯ ޗެމްބަރެއް އައްޑޫއިން ގެންދިއުމަށްފަހު ތިނަދޫގައި ބޭނުންކުރާނެ ގޮތާއި މެދު ގިނަ ސުވާލުތަކެއް ހުރިކަމަށް ސަލްމާ ވަނީ ވިދާޅުވެފައެވެ. 

އައްޑޫ އީކުއެޓޯރިއަލް ހޮސްޕިޓަލުގައި ހުރި ޑީކޯ ޗެމްބަރ ގެންގޮސްފައިވަނީ ރޭގެ ވަގުތެއްގައި ގެންދަން އުޅޭކަމުގެ މައުލޫމާތު ލިބިގެން އެ ރަށުގެ ރައްޔިތުން ވަނީ ހިތަދޫ ބަނދަރު ސަރަހައްދަށް އެއްވެފައެވެ. އޭރު ޑީކޯ ޗެމްބަރާއި އެކު ލޭންޑިން ކްރާފްޓު ވަނީ ވަގުތުން ނައްޓާލާފައެވެ.

އައްޑޫ ސިޓިގައި ޑީކޯ ޗެމަބަރެއް ގާއިމްކުރުމަކީ ރައީސް އިބްރާހިމް މުހައްމަދު ސޯލިހުގެ ވައުދުފުޅެކެވެ. އެހެން ނަމަވެސް މިހާތަނަށް އެ ވައުދު ފުއްދާދީފައި ނުވާއިރު، އައްޑޫ ސިޓީގައި ހިންގަމުންދިޔަ ޝަންގްރިއްލާ ރިސޯޓުން 2020 ވަނަ އަހަރު ހަދިޔާކުރި ޑީކޯ ޗެމްބަރު މިހާރު ވަނީ ތިނަދުއަށް ގެންގޮސްފައެވެ.