ށ. ނަރުދޫ ކައުންސިލް ކުރިމައްޗަށް އެރަށުގެ ރައްޔިތުންގެ ތެރެއިން ބަޔަކު އެއްވެ މުޒާހަރާ ކުރަން ފަށައިފިއެވެ.

ނަރުދޫ ކައުންސިލް ކުރިމައްޗަށް އެއްވެ އެރަށު ބަޔަކު މުޒާހަރާ ކުރަނީ ''މިލައުތުރު ސްޕޯޓްސް ފިއެސްޓާ 2022''ގެ ހޭންޑް ބޯލް މުބާރާތުގެ އެއްވެސް މެޗެއް އެރަށުގައި ނުކުޅެން އަތޮޅު ކައުންސިލުން ނިންމުމުން އެކަމާ ހިތްހަމަނުޖެހިން ކަމަށް މައުލޫމާތު ލިބެއެވެ.

އެކަމާ ހިތްހަމަނުޖެހިގެން ނަރުދޫގެ 200 ރައްޔިތުން ކައުންސިލް އިދާރާ ކައިރިއަށް އެއްވެ، ހިންހަމަނުޖެހުން ފާޅުކުރަމުންނެވެ. މިލައުތުރު ސްޕޯޓްސް ފިއެސްޓާ ބޭއްވުމަށް ނިންމި ތިން ރަށުގެ ތެރޭގައި ނަރުދޫ ހިމެނެއެވެ.

އެ ފިއެސްޓާގެ ފުޓްސަލް މުބާރާތަށް ފުރިހަމަ އެއްބާރުލުމެއްދީ މުބާރާތުގެ ކަންކަން ވަރަށް ފުރިހަމައަށް ނިންމާލާފައި ވަނިކޮށް ހޭންޑް ބޯލް މުބާރާތް ބޭއްވުމަށް އެރަށަށް ފުރުސަތެއް ނުލިބުނެވެ. އެމުބާރާތް ބޭއްވުމަށް ހަމަޖެއްސީ އެއަތޮޅު ފޭދޫ އާއި ޅައިމަގު ގައެވެ.

ށ. އަތޮޅުގައި ބާއްވާ ހޭންޑްބޯލް މުބާރާތް ފަށާނީ މިމަހުގެ 22 ވަނަ ދުވަހުއެވެ. މި މުބާރާތުގައި އެއަތޮޅުގެ 10 ރަށަކުން ބައިވެރި ވެއެވެ.