ތައުލީމާއި، ކުޅިވަރުގެ ދާއިރާއިން ޒުވާނުންނަށް ކުރިއަށް ދިއުމަށް ބޭނުންވާ ގިނަ ފުރުސަތުތަކެއް ފަހިކޮށްދެއްވިއްޖެ ކަމުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، މިއަދު ފާހަގަކުރާ ޤައުމީ ޒުވާނުންގެ ދުވަހުގެ މުނާސަބަތުގައި ކުރެއްވި ޓްވީޓެއްގައެވެ. ޒުވާނުންގެ ދުވަސް މި ސަރުކާރުން ފާހަގަކުރަނީ ކޮންމެ އަހަރެއްގެ އޮކްޓޯބަރު މަހުގެ 22 ވަނަ ދުވަހު އެވެ.
ޒުވާނުންގެ ދުވަހުގެ މުނާސަބަތުގައި ކުރެއްވި ޓުވީޓެއްގައި ރައީސް ވިދާޅުވީ، ވިދާޅުވީ ޒުވާނުންގެ ދުވަހެއް ފާހަގަ ކުރަމުންދާއިރު، ޒުވާނުންނަށްޓަކައި ގިނަ ކަންތައްތަކެއް ހާސިލްކުރެވިއްޖެ ކަމަށެވެ.
އެގޮތުން ހިލޭ ޑިގްރީއަށް ކިޔެވޭނެ މަގު ފަހި ކުރުމާއި، ޒުވާނުންނަށް އެކި ދާއިރާތަކުން ކިޔެވުމަށް ބޭނުންވާ ސްކޮލަޝިޕްގެ ފަހި ފުރުސަތު ތަނަވަސް ކޮށްދެވެމުންދާކަމަށް އެމަނިކުފާނު ވިދާޅުވިއެވެ.
ހަމަމިއާއިއެކު ޒުވާނުންނަށް ކުޅިވަރާއި ތައުލީމުގެ ދާއިރާއިން އުފާވެރި މާދަމާއެއް ހޯދަައި ދެވިއްޖެ ކަމުގައި އެމަނިކުފާނު ވިދާޅުވިއެވެ. އަދި ކުޅިވަރު ވަސީލަތްތަކާއި، ތަމްރީނުތައް ލިބޭނެ މަގުފަހި ކުރެވި، ވިޔަފާރީގައިވެސް ޒުވާނުންނަށް ކުރިއަށް ދެވޭނެ ގިނަ ފުރުސަތުތަކެއް މިސަރުކާރުން ފަހިކޮށްދީފައިވާކަމަށް ރައީސް ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists
