"މޮރިޝަސް ގެ ސަރުކާރުގައި ރައީސް ޞާލިހު ދަންނަވައިފި ޗާގޯސް އަކީ މޮރިޝަސް ގެ ބައެއް ކަމަށް"

މާވަށު ދާއިރާގެ މެންބަރު މުހައްމަދު ސައީދު-- ފޮޓޯ: މަޖިލިސް

ޗާގޯސް އަކީ މޮރިޝަސްގެ ބައެއް ކަމަށް ވިދާޅުވެ ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު، މޮރިޝަސް ސަރުކާރަށް ސިޓީއެއް ފޮނުވާފައިވާ ކަމަށް ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުހައްމަދު ސައީދު ވިދާޅުވެއްޖެއެވެ. 

ޗާގޯސް މައްސަލައާއި ގުޅޭގޮތުން މަޖިލީހަށް ހުށައެޅި ކުއްލި މައްސަލައަށް ވާހަކަދައްކަވަމުން ސައީދު ވިދާޅުވީ، ޗާގޯސް އަކީ މޮރިޝަސްގެ ބައެއް ކަމަށް ވިދާޅުވެ ރައީސް ޞާލިހު މޮރިޝަސް ސަރުކާރަށް ސިޓީ އެއް ފޮނުވާފައިވާ ކަމަށެވެ. އަދި އެފަދަ ސިޓީ އެއް ފޮނުއްވި އިރު ފޮނުވާފައިވަނީ ކޮން ބައެއް ލަފާގެ މަތިންތޯ ސުވާލު ކުރައްވައި އެ ލަފާ ހޯދި ބަޔަކާއި އެބައެއްގެ ލަފާވެސް މަޖިލީހަށް އެނގެންޖެހޭކަމަށް އޭނާ ވިދާޅުވިއެވެ. 

"ރާއްޖޭގެ އިކޮނަމިކް ޒޯނުން 95000 އަކަ ކިލޯމީޓަރު ގެއްލިއްޖެ އިއްޒަތްތެރި ރައީސް. މިވާހަކައަށް އަޅުގަނޑުމެން މި ބަހުސް މި ކުރަނީ." 

މުހައްމަދު ސައީދު 

މިއާއެކު ސައީދު ވިދާޅުވީ، ރާއްޖޭގެ ބިމުން ވެލިފުކެއްގެ މިންވަރުވެސް ބޭރުގެ ބަޔަކަށް ދިނުމުގެ ހައްގު ރައީސުލްޖުމްހޫރިއްޔާއަށް ލިބިގެން ނުވާނެ ކަމަށާ، އެފަދައިން ކަންކަން ކުރައްވަމުންދާތީ ރާއްޖޭގެ ރައްޔިތުން ރައީސް ޞާލިހަށް އިތުބާރުވެސް ނުކުރައްވާ ކަމަށެވެ. 

މިއާއެކު މޮރިޝަސް އިން ކުރަން އުޅޭ ކަމަކާމެދުވެސް ވިސްނާލަންޖެހޭ ކަމަށެވެ. އެހެނީ، މޮރިޝަސްގައި ހަތަރު އަތޮޅު އޮތް އިރު، އޭގެ ތެރެއިން އެއް އަތޮޅުގައި އިންޑިއާ ގެ ނޭވަލް ބޭސްއެއް އެތަނުގައި ގާއިމް ކުރަމުންދާ ކަމަށެވެ.  

"މިހާރު ދިވެހި ސަރުކާރުން އެއްބަސް އެވީ، މޮރިޝަސް ގެ ފަސްވަނަ އަތޮޅު ކަމަށް ޗާގޯސް އައިލެންޑް އަކީ. އިއްޒަތްތެރި ރައީސް، ފަސްވަނަ އަތޮޅަށް ޗާގޯސް އެއީ މޮރިޝަސް ގެ ބައެއް ކަަމަށް ރައީސް ސާލިހު ވިދާޅުވާ އިރު، ރާއްޖޭގެ ކަނޑުތަކުގެ ސިއްރުތައް މިއޮންނަ ހައިޑްރޯ ގްރަފީ އެއްބަސްވުމުގައި ސިއްރުން، މި ޖަލީހަށް ނުދައްކާ ރައީސް ޞާލިހު ސޮއި ކުރައްވާފައި އެބައޮތް." ސައީދު ވިދާޅުވިއެވެ. 

ސައީދު ވިދާޅުވީ، އިންޑިއާގެ އަޅުވެތިކަން ރާއްޖެއަށް އަންނަ ވާހަކަ އިދިކޮޅުން ދައްކަނީ އެފަދަ ސަބަބު ތަކާއި ހުރެ ކަމަށްވެސް ސައީދު ވިދާޅުވިއެވެ. 

Advertisement

ކޮމެންޓް