ވާދަވެރި ސިޔާސީ ލީޑަރު އަދި ޕީޕީއެމްގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމު ނ އަތޮޅަށް ކުރައްވާ ދަތުރުފުޅުގައި ނ މަގޫދޫއަށް ދާދި ދެންމެއަކު ވަޑައިގެންފިއެވެ.

ރައީސް ޔާމީންއަަށް މަގޫދޫއިން މަރުހަބާ ދެންނެވުމަށް ގިނަ އަދަދެއްގެ ޕީޕީއމް ޕީއެންސީ މެންބަރުން ވަނީ އެ ރަށުގެ ބަނދަރު ސަރަހައްދަށް އެއްވެފައެވެ. އަދި ރައީސް ޔާމީން ވަނީ އެމަނިކުފާނުގެ އިސްތިގުބާލުގައި ތިއްބެވި ހުރިހާ ރައްޔިތުންނާއި ސަލާމްކުރައްވާފައެވެ.

ރައީސް ޔާމީން ނ އަތޮޅަށް ކުރައްވަމުންދާ މި ދަތުރުފުޅު ތެރެއިން އިއްޔެ ވަނީ ނ. ކެނދިކުޅުދޫ އަށާއި ހުޅުދޫއަށްވެސް ވަޑައިގެން އެރަށް ރަށުގެ ރައްޔިތުންނާއި ބައްދަލު ކުރައްވާފައެވެ. 

Advertisement

ރައީސް ޔާމިން އަތޮޅުތެރެއަށް ކުރައްވާ މި ދަތުރުފުޅަކީ އަތޮޅުތެރޭގެ ރައްޔިތުންނާއި ބައްދަލުކުރައްވާ އެ ރައްޔިތުންގެ ކަންބޮޑުވުންތައް އަޑުއެއްސެވުމުގެ އިތުރުން ކުރިއަށް އޮތް ރިޔާސީ އިންތިޚާބަށް ޕީޕީއެމްގެ މެނިފެސްޓޯއަށް ބޭނުންވާ މުހިންމު މައުލޫމާތުތައް އެއްކުރުމަށް ކުރައްވާ ދަތުރުފުޅުތަކެއްކަން އިދިކޮޅުން ބުނެއެވެ. 

އަދި މި ދަތުރުފުޅު ތަކުގެ ތެރެއިން ޕާޓީގެ މެންބަރުން އިތުރު ކޮށް، ޕާޓީގެ ހަރަކާތްތައް އިތުރަށް ވަރުގަދަކުރުމުގެ މަސައްކަތް ކުރައްވާނެކަމަށްވެސް ބުނެފައިވެއެވެ.