އިންޑިއާގެ އެފްކޯންސް އިންފްރާސްޓްރަކްޗާ އާއި ހަވާލުކޮށްގެން ހިންގާ ތިލަ މާލެ ބްރިޖު އެޅުމުގެ މަޝްރޫއާއި، އައްޑޫ ސިޓީގެ މަގުތައް ހެދުމުގެ މަޝްރޫއަށް 1 ބިލިއަން ރުފިޔާ އިތުރުކުރުމަށް ހުށައަޅައިފިއެވެ. 

ސަރުކާރުން ހުށައަޅާފައިވާ 5.8 ބިލިއަން ރުފިޔާގެ ސަޕްލިމަންޓްރީ ބަޖެޓުގައި ވާ ގޮތުން ތިލަމާލެ ބްރިޖްގެ މަޝްރޫއަށް 924 މިލިއަން ރުފިޔާ އަދި އައްޑޫ މަގު ހެދުމުގެ މަޝްރޫއަށް 80.4 މިލިއަން ރުފިޔާ އާއެކު މުޅި ޖުމްލަ  1 ބިލިއަން ރުފިޔާ އިތުރު ކުރުމަށް ވަނީ ހުށައަޅާފައެވެ.

މި ދެ މަޝްރޫއަކީ ވެސް އިންޑިއާގެ އެގްޒިމް ބޭންކުގެ ލޯނެއްގެ ދަށުން އެ ގައުމުގެ އެފްކޮންސް އިންފްރާ ސްޓްރަކްޗާ ކިޔާ ކުންފުންޏަކުން ކުރިއަށް ގެންދާ މަޝްރޫއެކެވެ.

Advertisement

ބަޖެޓު ފޮތުގައި ބަޔާންކޮށްފައިވާ ގޮތުން މި ދެ މަޝްރޫވެސް ކުރިއަށް ދަނީ ލަފާކުރެވުނު ވަރަށް ވުރެ ހަލުވިކޮށެވެ. އެހެންކަމުން ބަޖެޓު ކުރި ވަރަށްވުރެ އިތުރަށް ފައިސާ ބޭނުންވާނެކަމަށް ސަރުކާރުން ވަނީ އަންދާޒާކޮށްފައެވެ. 

އެހެން ނަމަވެސް މި ދެ މަޝްރޫއު ހިންގުން ލަސްކަން ފާހަގަކޮށް ރައްޔިތުންގެ މަޖިލީހުގެ މެމްބަރުންވެސް ވަނީ ކަންބޮޑުވުން ފާޅުކޮށްފައެވެ.