އާންމުގެ މެދުގައި މަޤުބޫލުކަން ހޯދާފައިވާ ޕިއްޒާ ކިޗަން ރެސްޓޯރަންޓުން ނުކުޅެދުންތެރިކަން ހުންނަ ފަރާތްތަކަށް "ޕްލެޓިނަމް ޑިސްކައުންޓް" ތައާރަފްކޮށްފިއެވެ. 

މި ހާއްސަ ޑިސްކައުންޓް ތައާރަފްކޮށްފައިވަނީ ޕިއްޒާ ކިޗަންއަށް ދެ އަހަރު ފުރުމާއި ގުޅިގެން ރޭ ޕިއްޒާ ކިޗަންގައި ބޭއްވި ހާއްސަ ހަރަކާތެއްގައެވެ. މި ހަރަކާތުގައި ނުކުޅެދުންތެރިކަން ހުންނަ ގިނަ ފަރާތައްތަކެއް ބައިވެރިވެފައިވެއެވެ.

ޕިއްޒާކިޗަންގެ ފަރާތުން މި ޑިސްކައުންޓް ތައާރަފްކޮށްފައިވަނީ ޕިއްޒާ ކިޗަންގެ އޯނަރު ސޯފިއާ އަދްނާނު އަދި އާންމުގެ މެދުގައި ބޮޑު މަޤުބޫލުކަމެއް ހޯދާފައިވާ ރޮބޯ މޭންއެވެ.

ޕިއްޒާ ކިޗަންގެ ޕްލެޓިނަމް ޑިސްކައުންޓްގެ އާއި ބެހޭގޮތުން އެހަފްލާގައި ފާހަގަކުރި ގޮތުގައި, މިފަދަ ޑިސްކައުންޓެއް ނުކުޅެދުންތެރިކަން ހުންނަ ފަރާތްތަކަށް ތައާރަފްކުރުމުގެ ބޭނުމަކީ ގޭތެރެއިން އެފަރާތައް ނިކުމެ, މުޖުތަމައުތެރެއަށް ނިކުމެ ހަރަކާތްތެރި ބައެއްގެ ގޮތުގައި އުޅުމަށް ހިއްވަރުދިނުން ކަމުގައި ފާހަގަކޮށްފައިވެއެވެ.

މި ހަރަކާތުގައި ނުކުޅެދުންތެރިކަން ހުންނަ ގިނަ ފަރާތައްތަކެއް ބައިވެރިވެފައިވެ

ޕިއްޒާ ކިޗަންގެ ޕްލެޓިނަމް ޑިސްކައުންޓަކީ އެ ރެސްޓޯރަންޓްގެ އެންމެ މަތީ ޑިސްކައުންޓްއެވެ. އެގޮތުން ނުކުޅެދުންތެރިކަން ހުންނަ ފަރާތެއް ޕިއްޒާ ކިޗަންއަށް އައިސް ޑައިން ކުރާނަމަ 30% ޑިސްކައުންޓް, އަދި ޑެލިވަރީ ކުރާނަމަ 10% ޑިސްކައުންޓް ލިބޭނެއެވެ.

އިތުރު މައުލޫމާތު ހޯއްދެވުމާއި, އޯޑަރ ކުރައްވަން ބޭނުން ފަރާތްތަކުން ޕިއްޒާ ކިޗަންގެ ނަންބަރު 3356565 ނަންބަރަށް ގުޅައިގެންވެސް ނުވަތަ 7876565 އަށް ވައިބަރ ކޮށްލައިގެންވެސް އޯޑަރކޮށް މައުލޫމާތު ސާފު ކުރެވޭނެއެވެ.

ޕިއްޒާ ކިޗަން

މާލެ އާއި ހުޅުމާލޭގެ އިތުރުން ހުޅުލެއަށްވެސް ޕިއްޒާ ކިޗަންއިން ޑެލިވާރ ކުރަމުން އަންނަ އިރު، ރިސޯޓްތަކުގެ އޯޑަތަކަށް ލޯންޗައް ވެސް ޑެލިވަރީ ކުރުމުގެ ހިދުމަތް މިހާރުވެސް ޕިއްޒާ ކިޗަންއިން ދެމުންދެއެވެ.

މީގެ އިތުރުން، ޕިއްޒާ ކިޗަންއިން ޑައިން އިން ކުރައްވާ ފަރާތްތަކަށް އެކި ރަހަތަކުގެ މީރު ބުއިންތަށްވެސް ލިބެންހުންނާނެކަން ޕިއްޒާ ކިޗަން އިން މައުލޫމާތު ދެއެވެ.

ޕިއްޒާ ކިޗަން ހުންނާނީ ހުޅުމާލޭގެ ހިތިގަސް މަގުގެ 6ވަނަ ގޯޅީގައެވެ.