އުރީދޫ މޯލްޑިވްސްއިން ބޮޑެތި ޑޭޓާ އެލަވަންސްތަކެއް ލިބޭ އޮފާއެއް އާޗާ ޕްރީޕެއިޑް ކަސްޓަމަރުންނަށް ތައާރަފުކޮށްފި އެވެ.

މި އޮފާ މެދުވެރިކޮށް މުޅި ހަފްތާއަށް ނުވަތަ މުޅި މަހަށް 210ޖީބީ އާއި ހަމައަށް ޑޭޓާއާ އެކު އަންލިމިޓަޑް އުރީދޫ ކޯލްސް ލިބޭއިރު، ދުވާލަކަށް 4 ޖީބީ ލިބޭ 7 ދުވަހުގެ ޕެކޭޖެއް 150ރ. އަށް ނެގޭނެ ކަމަށްވެސް އުރީދޫއިން ބުނެއެވެ. އަދި މީގެ އިތުރުން، 500ރ. 5 ޖީބީ ލިބޭ 30 ދުވަހުގެ ޕެކޭޖެކާއި 750ރ. އަށް ދުވާލަކު 7 ޖީބީ ލިބޭ ޕެކޭޖެއް ވެސް މި ޕްރޮމޯޝަން ގެ ދަށުން ނެގޭނެ ކަމަށް އެ ކުންފުނިން ބުނެއެވެ.

މި ޕްރޮމޯޝަނުގެ ދަށުން ކޮންމެ ޕެކޭޖަކަށް ވެސް ބޯނަސް ޑޭޓާ އަދި ސްޓްރީމިން އާއި ސޯޝަލް މީޑިއާގެ ބޯނަސް ޑޭޓާ ވެސް ލިބޭއިރު، އެ ޕްރޮމޯޝަނުގެ ޕެކޭޖު އެކްޓިވޭޓު ކުރެވޭނީ UD ޖެހުމަށް ފަހު، 150، 500 ނުވަތަ 750 ޖެހުމަށް ފަހު 555 އަށް އެސްއެމްއެސް ކޮށްގެންނެވެ. ނުވަތަ #1*929* އަށް ޑައިލް ކޮށްގެން ކަމަށް އުރީދޫން އިން މައުލޫމާތު ދެއެވެ.

މީގެ އިތުރުން އުރީދޫއިން ވަނީ "މަގޭ ޕްލޭން ކަސްޓަމަރުން"ނަށް ވެސް ބޮޑެތި ޑޭޓާ ލިބޭ ޕްރޮމޯޝަނެއް ފަށައިފަ އެވެ. އެގޮތުން މި ޕްރޮމޯޝަންގެ ދަށުން 300ރ. އަށް 25 ޖީބީ އަދި 350ރ. އަށް 30 ޖީބީގެ މަންތްލީ ޕެކޭޖުތަކެއް ތައާރަފުކޮށްފައިވާއިރު، އުރީދޫއިން ބުނީ މިއީ ލިމިޓެޑް ޓައިމް އޮފާތަކެއް ކަމަށެވެ.