ދާދި ފަހުން ފުލުހުން ހިންގި އޮޕަރޭޝަނުގައި މަސްތުވާތަކެތީގެ މައްސަލާގައި ހައްޔަރުކުރި 12 މީހުންގެ ތެރޭގައި ހިމެނޭ ޑީއީޑީގެ ޑްރަގް ސްޓޮކް ބަލަހައްޓާ އޮފިސަރު، ސަސްޕެންޑު ކުރެވިފައިވާ ކަމަށް ފުލުހުން ބުނެފިއެވެ.
ފުލުހުން ދާދި ދެންމެ އަކު ބުނީ، ޑްރަގް އެންފޯސްމަންޓް އިން ހިންގި އޮޕަރޭޝަނެއްގައި ހައްޔަރު ކުރުމާއި ގުޅިގެން ފުލުހަކު ވަޒީފާއިން ސަސްޕެންޑް ކޮށްފައިވާކަމަށެވެ.
އަދި އޭނާގެ މައްޗަށް ތުހުމަތު ކުރެވޭ ޖިނާއީ މައްސަލައާއި އިދާރީ މައްސަލަ ތަހުގީގު ކުރަމުންދާ ކަމަށާ، ފުލުހުން ހިންގާ އޮޕަރޭޝަން ތަކުގައި އެ ފުލުސް އޮފިސަރަކީ ޑްރަގް އެންފޯސްމަންޓް ގައި އުޅޭ އޮފިސަރ އެއް ނަމަވެސް އެއްވެސް އިސްތިސްނާއެއް ނެތި އޭނާ އާއި މެދުވެސް ފިޔަވަޅު އެޅޭނެ ކަމަށް ފުލުހުން ބުނެފައިވެއެވެ.
މިއާއެކު ފުލުހުން ވަނީ، ހައްޔަރު ކުރެވުނު ފުލުސް މީހާ އަކީ ޑްރަގް އެންފޯސްމަންޓް ގެ ބެލުމުގެ ދަށަށް ގެނެވޭ މަސްތުވާތަކެތި ބަލަހައްޓާ ޓީމުގައި ހިމެނޭ ފުލުހެއް ނަމަވެސް، ޑްރަގް އެންފޯސްމަންޓް ގެ ބެލުމުގެ ދަށަށް ގެނެވޭ މަސްތުވާތަކެތި ބެލެހެއްޓުމުގައި އަމަލުކުރާ އުސޫލު ހަމަޖެހިފައި އޮންނަ ގޮތުން އެ ތަކެތި ނަހަމަ ގޮތުގައި ބޭނުންކުރުމުގެ ފުރުސަތު އެއްވެސް ފުލުހަކަށް ނޯންނާނެ ކަމުގެ ޔަގީންކަން އަރުވާފައެވެ.
Advertisement
This content is created and paid for by advertisers and does not involve Voice Journalists
