ހުޅުމާލޭގައި ހުންނަ ރެހެންދި ސްކޫލުގައި އަލިފާނުގެ ހާދިސާއެއް ހިނގައިފިއެވެ.
މީޑިއާތަކަށް މައުލޫމާތުދެމުން އެޑިއުކޭޝަނުން ބުނީ މިއަދު ހެނދުނު 06:30 ހާއިރު ހަތަރުވަނަ އަދި ފަސްވަނަ ފަންގިފިލާގެ ޕެނަލް ބޯޑުގައި އަލިފާނުގެ ހާދިސާއެއް ހިނގާފައިވާ ކަމަށެވެ.
އަދި ފުލުހުންނާއި އެމްއެންޑީއެފް ގެ އެހީތެރިކަމާއި އެކު ވަރަށް އަވަހަށް އަލިފާންގަނޑު ނިއްވާލެވިފައިވާ ކަމަށާ، އަލިފާނުގެ ހާދިސާ ހިނގި އެ ވަގުތަކީ ދަރިވަރުން ސްކޫލަށް އަންނަމުންދިޔަ ވަގުތުކަމަށާއި ދަރިވަރުންގެ ސަލާމަތަށްތަކައި ދަރިވަރުން ފުރަތަމަ ތިރިއަށް ގެނެސް މިހާރު ގެއަށް ފޮނުވާލެވިފައިވާކަމަށްވެސް އެޑިޔުކޭޝަން މިނިސްޓްރީން ބުނެފައިވެއެވެ. އަދި ދަރިވަރުންގެ ރައްކާތެރިކަމަކީ އެންމެ އިސްކަންދޭ ކަންތައްކަންވެސް ފާހަގަކޮށްފައިވެއެވެ.
މީގެ އިތުރުން އެ މިނިސްޓްރީން ބުނީ އެ ފްލޯތަކުގައި މިވަގުތު ކަރަންޓު ނެތްކަމަށާ, ސްޓެލްކޯއާއި ގުޅިގެން އެ ފްލޯތަކަށް ވީ އެންމެ އަވަހަށް ކަރަންޓު ދެވޭތޯ މަސައްކަތް ކުރަމުން އަންނަކަމަށެވެ.
އަލިފާނުގެ މި ހާދިސާއާއި ގުޅިގެން އެމްއެންޑީއެފުން ބުނެފައިވަނީ އެ ހާދިސާގައި އެއެވެސް މީހަކަށް އަނިޔާއެއް ލިބިފައިނުވާކަމަށާއި 07:19 ހާއިރު އަލިފާން ނިއްވާލެވުނު ކަމަށެވެ.
ޕޮލިހުން ބުނެފައިވަނީ މިކަމާއި ގުޅިގެން ބަލަންޖެހޭ ކަންކަން ބަލަމުން އަންނަކަމަށެވެ.
Advertisement
This content is created and paid for by advertisers and does not involve Voice Journalists
