މޯލްޑިވްސް ޖެޓްސްކީ ޓުއަރ 2021 ނޯތް ޓު ސައުތް" ގެނަމުގައި މޯލްޑިވްސް ވޯޓާ ސޮޕޯޓްސްއިން ކުރި ދަތުރުގައި ބައިވެރިވި އެޗްޑީސީގެ ދެ މުވައްޒަފަކަށް، ގޯލްޑް ކޮއިންގެ ނަމުގައި ޓުއަރިޒަމް މިނިސްޓްރީއިން އެވޯޑް ދެއްވައިފިއެވެ.

މިއެވޯޑު ދެއްވީ، އިއްޔެ ޓުއަރިމް މިނިސްޓްރީގައި މިކަމަށް ބޭއްވި ރަސްމިއްޔާތެއްގައި ޓުއަރިޒަމް މިނިސްޓަރ ޑޮކްޓަރ ޑރ.މައުސޫމެވެ. މި އެވޯޑް ލިބުނު އެޗްޑީސީގެ ދެ ސްޓާފުންނަކީ، ސީ.އެސް.އާރް އިވެންޓް ސްޕެޝަލިސްޓް އަހްމަދު ޝާމިލް އާއި ޕްލޭނިންގ ޑިޕާޓްމެންޓްގެ ރޯޑް އެންޑް ސޭފްޓީ މެނޭޖަރ އަހްމަދު ސޮފްވާނަށެވެ.    

މިއީ ދުނިޔޭގެ ފަތުރުވެރިކަމުގެ ދުވަހާއި ގުޅުވައިގެން، ރާއްޖޭގެ އުތުރުން ދެކުނަށް ކުރިދަތުރެކެވެ. މިދަތުރުގައި އޮފިޝަލް ހަ ރައިޑަރުންނާއި ސްޕެއަރ ތިން ރައިޑަރުންވަނީ ބައިވެރިވެފައެވެ.

Advertisement

ތުރާކުނުންފެށި މި ދަތުރު ފެށިއިރު މި ދަތުރުގެ ބައިވެރިންވަނީ ރާއްޖޭގެ ހުރިހާ އަތޮޅަކަށް ޒިޔާރަތް ކޮށްފައެވެ. އަދި މީގެ ކޮންމެ ރަށަކުން އެރަށެއްގެ ކައުންސިލްއިން ދިން ފިލާއެއްގައި ވަނީ ސޮއިކޮށްފައެވެ. މީގެ އިތުރުން، ކޮންމެ ރަށަކުން އެރަށެއްގެ ވެލި އަޅާފައިވާ ވެލިވަނީ ދަތުރުގެ ބައިވެރިންނަށް އަރުވާފައެވެ. މިއީ ޖެޓްސްކީ ތަކެއްގައި ރާއްޖޭގެ ހުރިހާ އަތޮޅަކަށް ދަތުރުކުރި ފުރަތަމަފަހަރެވެ.