ޓެކްސް ބޮޑުކުރުމުގެ މަގްސަދަކީ ރަށްރަށުގައި މަޝްރޫއުތައް ހިންގުންކަމަށް ބުނާ ބުނުމަކީ އޮޅުވާލުމެއްކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމް ވިދާޅުވެއްޖެއެވެ. 

ޝިޔާމް މިފަދައިން ވިދާޅުވެފައިވަނީ މިއަދު މަޖިލީހުގައި ވާހަކަދައްކަވަމުންނެވެ. އޭނާ ވިދާޅުވީ، ރައްޔިތުންގެ އަތުން ނަގާ ޓެކްސް ބޮޑުކުރުމަކީ އޭގެ ސަބަބުން އާންމު ރައްޔިތުންގެ ފުދުންތެރިކަމަށް ވަރަށް ބޮޑަށް އަސަރުކުރާނެ ކަމެއްކަމަށެވެ. 

އެގޮތުން ޓެކްސް ބޮޑުކުރުމުން އަގުތައް އުފުލޭނީ އެންމެ 2 އިންސައްތަ ނޫންކަމަށާއި، އިގްތިސާދީ ދަތި ހާލަތެއް މިހާރުވެސް މުޅި ދުނިޔެ ތަޖުރިބާ ކުރަމުންދާއިރު، ޓެކްސް ބޮޑުކުރުމަކީ ކޮށްގެންވާނެކަމެއް ނޫންކަމަށް ޝިޔާމު ވިދާޅުވިއެވެ. އަދި ޓެކްސް ބޮޑުކުރަނީ މަޝްރޫއުތައް ހިންގުމަށް ފައިސާ ހޯދުމަށްކަމަށް ސަރުކާރުން ބުނަމުންދާ ބުނުމަކީ އޮޅުވާލުމެއްކަމަށް ޝިޔާމު ވަނީ ވިދާޅުވެފައެވެ. 

Advertisement

ޓެކްސް ބޮޑުކުރުމއި ދެކޮޅަށް މަރުކަޒީ ބޭންކު އެމްއެމްއޭއިންވެސް ވަނީ ލަފާދެއްވާފައެވެ. އެގޮތުން ދުނިޔޭގެ އިގްތިސާދީ ހާލަތު އޮތް ގޮތުން ޓެކްސް ބޮޑުކުރުމަކީ މިހާލަތާއި މުނާސަބު ކަމެއް ނޫންކަމަށް އެމްއެމްއޭގެ ގަވަރުނަރު ހާޝިމް ވަނީ ވިދާޅުވެފައެވެ. 

އެހެން ނަމަވެސް، މިއިން އެއްވެސް ކަމަކަށް ރިއާޔަތްކުރުމެއް ނެތި ރައްޔިތުންގެ މަޖިލީހުން ވަނީ ޓެކްސް ބޮޑުކުރާ ބިލް ފާސްކޮށްފައެވެ.

އެއާއެކު އަންނަ ޖެނުއަރީއިން ފެށިގެން ރައްޔިތުން އަތުން ނަގާ ޓެކްސް 6 އިންސައިން 8 އިންސައްތައަށް ބޮޑުވެގެންދާނެއެވެ. އަދި ޓީޖީއެސްޓީ 16 އިންސައްތައަށް އުފުލިގެންދާނެއެވެ.