މިއަހަރުގެ ވޯލްޑް ކަޕާ ދިމާކޮށް ވިލާ ހަކަތަ އާއި ވިލާ ޓްރޭޑިން އިން އަގުހުރި އިނާމް ލިބޭ ޕްރޮމޯޝަނެއް ކުރިޔަށް ގެންދަން ނިންމައިފި އެވެ.

"މަވެސް ބަލަން"ގެ ނަމުގައި މާދަމާ ފަށާ މި ކެންޕެއިން ޑިސެމްބަރު 18ގެ ނިޔަލަށް ކުރިއަށްދާނެއެވެ. 

ވިލާއިން ބުނީ މި ކެމްޕޭން ކުރިއަށްދާ މުއްދަތުގައި ވިލާގެ ކަސްޓަމަރުންނަށް އަގުހުރި އިނާމުތަކެއް ހޯދުމުގެ ފުރުސަތު ލިބިގެން ދާނެ ކަމަށެވެ. އެގޮތުން ވިލާ މާޓުންނާއި ވިލާ ހަކަތައިން ވިޔަފާރިކުރާ ކޮންމެ މީހަކަށް ވެސް މި ކެމްޕޭންގެ ދަށުން ދޫކުރާ ލަކީ ޑްރޯގައި ބައިވެރިވެވޭއިރު، ލަކީ ޑްރޯއިން އެއްވަނައަށް ހޮވޭ ކަސްޓަރަމަރަކަށް އެންމެފަހުގެ އައިފޯން 14 ޕްރޯ މެކްސްއެއް ލިބޭނެ ކަމަށް ވިލާއިން ބުނެއެވެ. އަދި ދެވަނައަށް ހޮވޭ މީހަކަށް އިތުރު މީހަކާ އެކު ރިސޯޓު ދަތުރެއް އަދި ތިން ވަނައަށް ހޮވޭ މީހަކަށް ވިލާގެ ޑިސްކައުންޓު ވައުޗަރެއް ވެސް ލިބޭނެ ކަމަށް އެ ކުންފުނިން ބުނެއެވެ.

މީގެ އިތުރުން ވިލާ ހަކަތަ އާއި ވިލާ މާޓުން އަންނަނީ ވޯލްޑް ކަޕާ ދިމާކޮށް ސޯޝަލް މީޑިއާގައި ފޮޓޯ ޗެލެންޖެއް ވެސް ކުރިއަށް ގެންދަމުންނެވެ. މި ޗެލެންޖުން ވަނަތައް ހޯދާ ފަރާތްތަކަށް ގިފްޓު ހެމްޕަރު ދިނުމަށް ހަމަޖެހިފައިވާ ކަމަށްވެސް ވިލާއިން ބުނެއެވެ.

އަދި މި ކެމްޕޭން ކުރިއަށްދަ ދުވަސްވަރު ވިލާ މާޓުން ވިއްކާ ޓޯނީސް ޗޮކްލެޓުންނާއި ގާޑެންސް ބްރޭންޑުގެ ޖޭމުން ޑިސްކައުންޓް ވެސް ލިބޭއިރު ވޯލްޑް ކަޕްގެ މެޗުތަކުގެ ސްކޯޝީޓެއް ވިލާ ހަކަތަ އަދި ވިލާ މާޓުން ވިޔަފާރިކުރާ ކަސްޓަމަރުންނަށް ލިބޭނެ އިންތިޒާމު ވެސް ވަނީ ހަމަޖައްސާފައެވެ. މި ޕްރޮމޯޝަނާއި ގުޅޭ އިތުރު މައުލޫމާތު ބޭނުންވާ މީހުންނަށް ވިލާގެ ސޯޝަލްމީޑިއާ ޕޭޖުތަކުން ލިބެން ހުންނާނެ ކަމަށްވެސް އެ ކުންފުނިން ބުނެއެވެ.