މ. މުލީ ބަނދަރުގެ ރީކޮންސްޓްރަކްޝަންގެ މަސައްކަތް އެމްޓީސީސީއާއި ހަވާލު ކޮށްފިއެވެ.

މި ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް އަލްފާޟިލާ ފާތިމަތު ޝާނާ ފާރޫޤު އެވެ. އެމްޓީސީސީގެ ފަރާތުން ސޮއި ކުރެއްވީ ޗީފް އެގްޒެކެޓިވް އޮފިސަރ އަލްފާޟިލް އާދަމް އާޒިމް އެވެ.

މި މަޝްރޫޢުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތައް:

- ބަނދަރު ފުން ކުރުން – 33,888.00 ކިއުބިކް މީޓަރ (މެދު ދިޔައިން ފެށިގެން 3.0- މީޓަރ ހަމަވާ ވަރަށް)

- ނެރު ފުން ކުރުން – 6,254.00 ކިއުބިކް މީޓަރ (މެދު ދިޔައިން ފެށިގެން  4.0- މީޓަރ ހަމަވާ ވަރަށް)

- 213 މީޓަރ ސޭންޑްފިލް ބްރޭކްވޯޓަރ ޖެހުން

- 89 މީޓަރ ރިވެޓްމެންޓް ޖެހުން

- 479 މީޓަރ އެއްގަމު ތޮށި ޖެހުން

- 467 މީޓަރ ސްކޯރިންގ އެޕްރޮން ޖެހުން

- 10 މޫރިންގ ބޮއި ހަރުކުރުން

- 100 އަކަ މީޓަރ ރޭންޕެއް ހެދުން

- އެކްސެސް ޕްލެޓްފޯމް އެޅުން

- 3 މީޓަރ ކޮންކްރީޓް ބްރިޖެއް ހެދުން

- 02 ނެވިގޭޝަން ލައިޓް ހަރުކުރުން

- 27 މަގު ބައްތި ހަރުކުރުން

- 2370 އަކަ މީޓަރު ޕޭވްމަންޓް ހެދުން

ޖުމުލަ 550 ދުވަސް ތެރޭގައި ނިންމުމަށް ހަވާލު ކުރެވުނު މި މަޝްރޫއު އަކީ 65,555,973.53 ރުފިޔާގެ މަޝްރޫޢެކެވެ.