އުރީދޫ ކްލަބް ޕްރިމިއާ ކަސްޓަމަރުންނަށް ވޯލްޑްކަޕް މެޗުތައް ކުރިއަށްދާ ވަގުތު ހިލޭ ކޮފީ ބޮވޭނޭ އިންތިޒާމު ހަމަޖައްސައިފިއެވެ.

އުރީދޫއިން ބުނީ ވޯލްޑްކަޕް މެޗުތައް ކުރިއަށްދާ ވަގުތު، ދެ ކެފޭއަކުން އުރީދޫ ކްލަބް ޕްރިމިއާ ކަސްޓަމަރުންނަށް ހިލޭ ކޮފީ ލިބޭނޭ އިންތިޒާމު މިހާރު ހަމަޖައްސާފައިވާކަމަށެވެ.

އެގޮތުން މެންބަޝިޕް ކާޑް ދައްކާލުމުން ހިލޭ ކޮފީ ލިބޭނެ ކަމަށް އުރީދޫއިން ބުނީ ހުޅުމާލޭގައި ހުންނަ ރިއޯ ބީޗް ކެފޭ އާއި މާލޭގައި ހުންނަ ސީހައުސް ރެސްޓޯރަންޓުންނެވެ. މި އޮފާ ކުރިއަށް ދާނީ ވޯލްޑްކަޕްގެ މެޗްތައް ނިމެން ދެން ކަމަށް އުރީދޫން ބުނެއެވެ.

ހިލޭ ކޮފީ ހޯދުމަށް އުރީދޫ ކްލަބް ޕްރިމިއާގެ ކޮންމެ ކާޑެއްވެސް ބޭނުން ކުރެވިދާނެއެވެ. އެ ގޮތުން ކްލަބް ޕްރިމިއާ ގޯލްޑް، ސިލްވާ އަދި ޕަލެޓިނަމް ކާޑު ބޭނުން ކޮށްގެން ހިލޭ ކޮފީ ހޯދުމުގެ ފުރުސަތު އެބަ އޮތެވެ.

އުރީދޫއިން އަންނަނީ ވޯލްޑްކަޕާ ދިމާކޮށް އެކުންފުނީގެ ކަސްޓަމަރުންނަށް ވޯލްޑް ކަޕާ ގުޅޭ ތަފާތު ކަންތައްތައް ހިންގަމުންނެވެ. މިގޮތުން އުރީދޫއިން ވަނީ މީޑިއާނެޓާ ގުޅިގެން މާލޭގެ ބައެއް ކެފޭ ރެސްޓޯރެންޓްތަކުގައި ވޯލްޑްކަޕް ބެލޭނޭ އިންތިޒާމް ހަމަޖައްސައިދީފައެވެ.