'ޖަވާހިރުލް ގުރުއާން' އަކީ އެއްވެސް ހާލެއްގައި ސާބިތު ފޮތެއް ނޫން ކަމަށް ޖަމިއްޔަތުއްސަލަފްގެ ރައީސް ޝެއިޚް އަބްދުﷲ ވިދާޅުވެއްޖެއެވެ.
ދިވެހިންގެ ތެރެއިން ގިނަ ބަޔަކު ޚާއްސަކޮށް އުމުރުން ދުވަސްވީ ފަރާތްތައް ކިޔައި އުޅޭ ފޮތެއް ކަމަށް ޖާވހިރުލް ގުރުއާން ފޮތާއި ގުޅޭ ގޮތުން ދާރިސް ޓީވީ އިން ގެނެސްދިން ސުވާލަކީ ކޮބާ ޕްރޮގްރާމް ގައި ވާހަކަ ދައްކަވަމުން ޝެއިޚް އަބްދުﷲ ވިދާޅުވީ، އެއީ އެއްވެސް ހާލެއްގައި ސާބިތު ފޮތެއް ނޫން ކަމަށާ އަދި ކިޔަން ހެޔޮވާ ވަރުގެ ފޮތެއްވެސް ނޫން ކަމަށެވެ.
"ޖަވާހިރުލްޤުރްއާންގެ ނަމުގައި މިވާ ފޮތަކީ ބޭފުޅަކަށް ފެނިފައިވާ ހުވަފެނެއްގެ މައްޗަށް ބިނާވެފައިވާ ފޮތެއް. އެޔަކީ ޤުރްއާނާއި ސުންނަތުން އޭގެ އެއްވެސް އަސްލެއް އޮތް އެއްޗެއް ނޫން. އަދި ޤުރްއާނުން ނަގާފައިވާ އާޔަތްތަކުގެ ނަމުގަ އެބަވޭ ޤުރްއާނުގައި ނުވެސް ނެތް ކިތަންމެ ޢިބާރާތެއް. އެހެންކަމުން އެ ވިސްނުމުގަ އެ ފޮތް ކިޔުމަކީ އެއީ ބިދުޢައެއް." ޝެއިޚް އަބްދުﷲ ވިދާޅުވިއެވެ.
މިއާއެކު ޝެއިޚް ވަނީ، އެ ފޮތް ކިޔަމުން އަންނަ މީހުން އެ ފޮތް ކިޔުން ހުއްޓާލައި ސައްހަވެގެންވާ ދުޢާތަކަށް ރުޖޫޢަވުމަށް ނަސޭހަތްތެރިވެފައެވެ.
ދީނީ، އިޖްތިމާއީ އަދި އެނޫންވެސް މައުޟޫތަކަށް ޕްރޮގްރާމްތައް ގެނެސްދޭ ދާރިސް ޓީވީން ގެނެސްދޭ ސުވާލަކީ ޕްރޮގްރާމް އަކީ ބެލުންތެރިންގެ ހިތުގައި އުފެދިފައިވާ އެކިއެކި ދީނީ ސުވާލުތަކަށް ޖަވާބު ދިނުމަށާއި، ދީނީ ހޭލުންތެރިކަން އިތުރުކުރުމުގެ ގޮތުން ކުރިއަށް ގެންދާ ޕްރޮގްރާމެކެވެ.
Advertisement
This content is created and paid for by advertisers and does not involve Voice Journalists
