މަސް ދޯނި ފަހަރުގައި ބިދޭސީން ގެންގުޅެވޭނެ އަދަދު އިތުރުކުރެވޭ ގޮތަށް ކަނޑުމަހުގެ މަސްވެރިކަން ރާވައި، ހިންގައި، ބެލެހެއްޓުމާ ގުޅޭ ގަވާއިދު ބަދަލުކޮށްފިއެވެ. 

ގަވައިދަށް ގެނަ އިސްލާހުގައި ބިދޭންސީން ގެންގުޅެވޭނެ އަދަދު ކަނޑައަޅާފައިވަނީ ދޯނީގެ ބޮޑު މިނަށެވެ.

އެގޮތުން 15 މީޓަރަށް ވުރެ ކުދި އުޅަނދުތަކުގައި ގިނަވެގެން ހަތަރު ބިދޭސީން ކަމަށާއި 15 މީޓަރާއި 24 މީޓަރާއި ދެމެދުގެ އުޅަނދުތަކުގައި ގިނަވެގެން ހަ ބިދޭސީން ކަމަށް ގަވައިދުގައި ބުނެފައި ވެއެވެ.

Advertisement

އަދި 24 މީޓަރަށްވުރެ ބޮޑެތި އުޅަނދުފަހަރުގައި ގިނަވެގެން އަށް ބިދޭސީން ގެންގުޅެވޭނެ ކަމަށް ގަވައިދުގައި ބުނެފައި ވެއެވެ.

ގަވައިދަށް ގެނަ އިސްލާހުގައި ބުނެފައިވަނީ ހަމައެކަނި ކަޅުބިލަމަހުގެ ދޮށީގެ މަސްވެރިކަން ނުވަތަ ހަމައެކަނި ބޮޑު ކަންނެލީގެ މަސްވެރިކަން ކުުރާ އުޅަނދުތަކުގައި ބިދޭސީނަށް ހަރަކާތެރިވުމަށް ލައިސަންސް ދެނީ 12 މަސް ދުވަހަށް ކަމަށެވެ.

އެއީ 15 މީޓަރަށްވުރެ ކުދި އުޅަނދުތަކަށް 500 ރުފިޔާ ކަމަށާއި 15 މީޓަރުން ފެށިގެން 20 މީޓަރާ ހަމައަށް 1،000 ރުފިޔާ ކަމަށެވެ. އަދި 20 މީޓަރުން ފެށިގެން ބޮޑެތި އުޅަނދުތަކަށް 1،500 ރުފިޔާ ކަމަށް ގަވައިދަށް ގެނައި އިސްލާހުގައި ބުނެފައި ވެއެވެ.

އަދި ކަޅުބިލަމަހުގެ ދޮށީގެ މަސްވެރިކަންކުރާ އުޅަނދުފަހަރާއި ބޮޑުކަންނެލީގެ އަތުނަނު މަސްވެރިކަން ކުރާ އުޅަނދުތަކަށްވެސް ލައިސަންސް ދެނީ 12 މަސް ދުވަހަށް ކަމަށާއޖ 20 މީޓަރުން ބޮޑެތި ނަމަ ފީއަކަށް 1،800 ރުފިޔާ ދައްކަން ޖެހޭނެ ކަމަށެވެ.

ރާއްޖޭގައި މަސްވެރިކަމުގައި ބިދޭސީންނަށް ހަރަކާތްތެރިވެވޭނީ އެކަމާ ގުޅޭ ގޮތުން ސަރުކާރުގެ ކަމާބެހޭ އިދާރާތަކުން ހަދާފައިވާ ގަވާއިދުތަކާއި އުސޫލުތަކާއި އެއްގޮތްވާ ގޮތުގެ މަތިންނެވެ.

އެ ބިދޭސީންނަށް މަސްބޭނުމުގައި އަމަލީ ގޮތުން ހަރަކާތްތެރިއެއް ނުވެވޭނެ އެވެ.