މޯލްޑިވްސް ރިސޯޓް ކޮންސްޓްރަކްޝަން (އެމް.އާރް.ސީ) އިން އިންތިޒާމްކޮށްގެން، ދިވެހިރާއްޖޭގައި އިޢާދަކުރަނިވި ހަކަތަ އުފެއްދުމަށް އިންވެސްޓްމަންޓްތަށް އިތުރުކުރުމަށް؛ ކެނޭޑިއަން ސޯލާރ، ނެކްސަން އެނާރޖީ އަދި ރިޕޯސްޓްރަން އާއި ގުޅިގެން ޚާއްޞަ ކޮންފަރެންސްއެއް ބޭއްވުމަށް ވަނީ ހަމަޖެހިފައިއެވެ.

އެމް.އާރް.ސީ އިން ވިދާޅުވީ މިކުންފުނިތަކަކީ އިޢާދަކުރަނިވި ހަކަތަ އުފައްދާ ޤާއިމް ކުރުމަށް ދުނިޔޭގެ ފެންވަރުގައި ފާހަގަކޮށްލެވޭ ކުންފުނިތަކެއް ކަމަށެވެ.

މޯލްޑިވްސް ރިސޯޓް ކޮންސްޓަރަކްޝަން އަކީ ރާއްޖެއާއި ރާއްޖޭއިން ބޭރުގައި ރިސޯޓް ތަރައްޤީކުރުމުގައި ކުރިއަރަމުން އަންނަ ކުންފުންޏެކެވެ. އަދި އެމް.އާރް.ސީ އިން ފާހަގަކުރީ މިކޮންފަރެންސްގެ މައިގަނޑު އަމާޒަކީ ދިވެހިރާއްޖޭގައި އިޢާދަކުރަނިވި ހަކަތަ އުފެއްދުމަށް ހުރި ފުރުސަތުތައް ދެނަގަނެ އެ މަޝްރޫއުތަކަށް ޝައުގުވެރިވާ ފަރާތްތަކާއި ގުޅިގެން އިޢާދަކުރަނިވި ޙަކަތަ އުފެއްދުމުގެ މަޝްރޫއުތަކަށް އިންވެސްޓްކުރުމެވެ.

Advertisement

މޯލްޑިވްސް ރިސޯޓް ކޮންސްޓަރަކްޝަންގެ އޮފިޝަލުން ވިދާޅުވީ މި ކޮންފަރެންސް ބޭއްވުމަށް ހަމަޖެހިފައިވަނީ މި މަހު 8 ޑިސެންބަރ 2022 ވާ ބުރާސްފަތި ދުވަހު ހެދުނުން ހަވީރަށް މީރުމާ ކޮންފަރަންސް މާލަމުގައިއެވެ. އަދި މިކޮންފަރެންސްގައި ސަރުކާރުގެ ވުޒާރާތަކުގެ އިސްވެރިންނާއި، ސަރުކާރުގެ މުއައްސަސާތަކުގެ އިސްވެރިންނާއި ރިސޯޓް އަދި ގެސްހައުސް ދާއިރާގެ އިސްވެރިން ބައިވެރިވެ ވަޑައިގަތުމަށް ވެސް ވަނީ ހަމަޖެހިފައިއެވެ.

އަދި މި ކޮންފަރެންސާއި ބެހޭގޮތުން އިތުރު މަޢުލޫމާތު ހޯއްދަވަން ބޭނުންފުޅުވާ ފަރާތްތަކުން 9901775 ނަންބަރު ފޯނަށް ގުޅުއްވައިގެން ނުވަތަ އެކުންފުނީގެ އީމެއިލް [email protected] ގުޅުއްވައިގެން މައުލޫމާތު ސާފު ކުރެއްވުމަށް އެކުންފުނިން އެދިވަޑައިގަންނަވައެވެ.