އިނގިރޭސިވިލާތުގެ ޒުވާނަކު ރާއްޖޭގައި އިސްލާމް ދީން ގަބޫލުކޮށް އެކަން އިއުލާން ކޮށްފިއެވެ.
އިނގިރޭސިވިލާތަށް ނިސްބަތްވާ، އުމުރުން 25 އަހަރުގެ ރޮބާޓް ކަލެބް ސްޓްރޭން ނަމަކަށް ކިޔާ އެ ޒުވާނާ އިސްލާމްދީން ގަބޫލު ކުރިކަން އަންގައި އެކަމާއި ގުޅޭ ސެޓްފިކެޓް އެއް އިސްލާމިކް މިނިސްޓްރީން ވަނީ އޭނާއާއި ހަވާލުކޮށްފައެވެ.
އެ ސެޓްފިކެޓުގައިވާގޮތުން އޭނާ އިސްލާމް ދީން ގަބޫލުކޮށްފައި ވަނީ މި މަހުގެ ފަސް ވަނަ ދުވަހުއެވެ. އަދި އޭގައި ވާގޮތުން އޭނާ ވަނީ އިސްލާމް ދީން ގަބޫލުކޮށް، އިސްލާމްވުމުގެ ގޮތުން ޝަހާދަތް ކިޔައި، ޝަހާދަތުގެ ދެ ކަލިމަވެސް ކިޔައި ހިތުން އެކަން ގަބޫލުކޮށްފައެވެ.
މީގެ އިތުރުން ރޮބާޓް އިސްލާމްވެ ވެފައިވަނީ ދެ މީހެއްގެ ކުރިމަތީގައި ކަމަށް ވެސް އޭގައި ބުނެފައިވެއެވެ.
ރޮބާޓް އިސްލާމް ވުމާއި ގުޅިގެން އިސްލާމިކް މިނިސްޓަރ ޑރ. އަހްމަދު ޒާހިރު އަލީ ވަނީ އޭނާއާއި ބައްދަލުކުރަށްވާ މަރުހަބާ ވިދާޅުވެފައެވެ.
ރޮބާޓް ކަލެބް އިސްލާމް ވުމަށް ފަހު އޭނާގެ ނަން ވަނީ އުމަރުއަށް ބަދަލުކޮށްފައެވެ.
Advertisement
This content is created and paid for by advertisers and does not involve Voice Journalists
