މިދިޔަ ނޮވެމްބަރު މަހުގެ 5 ވަނަ ދުވަހު ގަލޮޅު، ބުރުމަގު ކަށިމާ ހިނގުން ކަންމަތީގައި އައި-ޕްލޭހައުސްއެމްވީގެ ނަމުގައި ކުޑަކުދިންގެ އިންޑޯ ޕްލޭ ގްރައުންޑެއް ހުޅުވައިފިއެވެ.

1.5 އަހަރާއި 10 އަހަރާއި ދެމެދުގެ ކުދިންނަށް ހާއްސަ ކުޅޭ ސާމާނާއިއެކު ހުޅުވި ޕްލޭ ހައުސްއަކީ އެކި އުމުރުފުރާގެ ކުދިންނަށް ހާއްސަކޮށްގެން ހެލިފެލިވެ އުޅުމަށް ބާރުއެޅޭގޮތަށް ބައްޓަންކޮށްފައިވާތަނެކެވެ. މި އިމާރާތުގެ ފުރަތަމަ ފަންގިފިލާ ހާއްސަކޮށްފައިވަނީ ކުޑަކުދިންގެ ތަފާތު އިލްމާއި ހުނަރަށް ހާއްސަކޮށްގެން ހިންގޭ ޕްރޮގްރާމްތައް ކުރިއަށްގެންދިއުމަށެވެ.

އައި-ޕްލޭހައުސްއެމްވީގެ އިންޑޯ ޕްލޭ ގްރައުންޑަަކީ ގްރައުންޑް ފްލޯގައި ހުންނަތަނެކެވެ. ބެލެނިވެރިންނަށް އައި-ޕްލޭހައުސްއެމްވީއިން ލިބޭ އެއްމެ ބޮޑު ލުއިފަސޭހައަކީ ކުދިން ކުޅެލުމަށް އައި-ޕްލޭހައުސްއެމްވީގެ ބެލުމުގެ ދަށުގައި ބަހައްޓާފައިދެވޭގޮތަށްއޮންނައޮތުމެވެ. މަސައްކަތުގެ މާހައުލުގައި ބުރަކޮށް އުޅޭ ބެލެނިވެރިންނަށާ، އެކި އެކި ބޭނުމަށް އެކި ތަންތަނަށް ދާންޖެހޭ ބެލެނިވެރިންނަށް، ކުދިން އައި-ޕްލޭހައުސްގެ ބެލުމުގެ ދަށުގައި ކުޅެލަން ބެހެއްޓެއެވެ.

މީގެ އިތުރުންވެސް، ބެލެނިވެރިން ބޭނުންނަމަ، އިތުރު ފީއަކާނުލާ ބެލެނިވެރިންނަށްވެސް ކުދިންނާއެކު އައިސް އައި-ޕްލޭހައުސްއެމްވީ ޕޭރަންޓް ކޯނަރގައި މަޑުކޮށްލެވޭގޮތަށް ތަނުގެ އިންތިޒާމުވަނީ ހަމަޖެހިފައެވެ. މާލޭގައި ކުޑަ ތަންތަންކޮޅުގައި ދިރިއުޅެންޖެހިފައިވާއިރު، މިފަދަ ޕްލޭގްރައުންޑަކީ ބެލެނިވެރިން އަދި ކުދިންގެވެސް ޖިސްމާނީ އަދި ނަފްސާނީ ދުޅަހެޔޮކަމަށް އެހީތެރިވެދޭނެ ހިދުމަތެކެވެ. މި ޕްލޭގްރައުންޑްގެ ބޭނުން ގަޑިއިރަކަށް އަދި މަހަކަށްވެސް ބޭނުންކުރެވޭ ޕެކޭޖްތައް ހުންނައިރު، މިތަން ބޭނުންކުރުމަށްޓަކައި ކުރީބައިގަ-ބުކިންގް ހަދާކަށްނުޖެހެއެވެ.

އައި-ޕްލޭހައުސްއެމްވީގައި ކުއްޖަކު ކުޅެނީ-- ފޮޓޯ/ އައި-ޕްލޭހައުސްއެމްވީ

މި ޕްލޭ ގްރައުންޑް ހުޅުވިފައި ހުންނަނީ ބުރާސްފަތި، ހޮނިހިރުގައި ހެނދުނު 09:00 އިން ރޭގަނޑު 20:00 އަށެވެ. ހުކުރު ދުވަހު ހެނދުނު 09:00 އިން 11:00 އަށް އަދި މެންދުރުފަހު 14:00 އިން ރޭގަނޑު 20:00 އަށެވެ. ހަފްތާގެ އެހެނިހެން ދުވަސް ދުވަހު ހެނދުނު 09:00 އިން އިރު އޮއްސި 18:00 އަށެވެ. މި ޕްލޭގްރައުންޑް ކްލާސް ޕާޓީ، އުފަންދުވަހުގެ ޕާޓީ، އާއިލީ އެއްވުންތަކަށާއި އަދި ބައެއް ޕްރީ ސްކޫލްތަކުގެ ޕްލޭގްރައުންޑްގޮތުގައިވެސް ދަނީ ޕްރައިވެޓް ބުކިންގް ހެދުމަށްފަހު ބޭނުންކުރަމުންނެވެ. ޕްރައިވެޓް އިވެންޓްތަކަށް ބޭނުންކުރުމަށް ޕްރީ-ބުކިންގް ހެދޭގޮތަށް އައި-ޕްލޭހައުސްއެމްވީއިންވަނީ ހަމަޖައްސާފައެވެ.

އައި-ޕްލޭހައުސްއެމްވީގެ އިންޑޯ ޕްލޭގްރައުންޑްގެ އިތުރުން 1.5 އިން ފެށިގެން 10 އަހަރާދެމެދުގެ ކުދިންނަށް ތަފާތުއެކި ކްލާސްތައް އައި-ޕްލޭހައުސްއެމްވީގައި ހިންގައެވެ. މިގޮތުން 1.5 އާއި 3 އަހަރާދެމެދުގެ ޕްލޭ އެންޑް ލަރން ކްލާހުގެ ޖާގަ މިހާރުވަނީ ފުރިފައިކަމަށް އައި-ޕްލޭހައުސްއެމްވީއިން މައުލޫމާތުދެއެވެ. 3 އަހަރާއި 10 އަހަރާއި ދެމެދުގެ ކްލާސްތައް ބަހާލެވިފައިވަނީ ހަފްތާއަކު 3 ދުވަހު، ހަފްތާއަކު 5 ދުވަހު، އަދި ހޮނިހިރު ދުވަހުގެ ގަޑިތަކަށެވެ. ހެނދުނު 9 އިން ފެށިގެން ހަވީރު 6 އަކަށް ކްލާސްތައް ހުންނަނީ ޝެޑިއުލްކޮށްފައެވެ. މި ކްލާސްތަކުގެ އަމާޒަކީ ލިޔުމާއި ކިޔުމާއި ދޭހަވުމާއި،ހިސާބާއި،އާޓް، އެކަކު އަނެކަކާއި މުއާމަލާތްކުރުމާއި، ހެލިފެލިވެއުޅުމާއި އަދި މި ނޫންވެސް ދަރިވަރުންގެ މެދުގައި އިލްމީ ގާބިލިއްޔަތުކަން އިތުރުކޮށް ހުނަރު ތަރައްގީކުރުމެވެ. 

އައި-ޕްލޭހައުސްއެމްވީއިން މިހާރުވަނީ ސްކޫލް ބަންދުގެ ތެރޭގައި ހިންގުމަށް 3 އަހަރާއި 10 އަހަރުގެ ކުދިންނަށް ހާއްސަކޮށްގެން އައި-ކިޑް ޝެފް، އައި-ޖޫނިއަރ ޑިޒައިނަރ، އައި-ސައިންޓިސްޓް، އައި-ފަސްޓްއައިޑަރ އަދި އައި-ޕްރޮއެންވިރޯގެ ގޮތުގައި ހަފްތާއަކަށް ހިންގޭ ޕްރޮގްރާމްތަކެއް ތައާރަފްކޮށް ރެޖިސްޓްރީކުރަން ހުޅުވާލާފައެވެ. މި ޕްރޮގްރާމްތަކުގައި ބައިވެރިވުމަށް ރަޖިސްޓްރީކުރަން އައި-ޕްލޭހައުސްއެމްވީގެ އިންސްޓަގްރާމް، ފޭސްބުކް އަދި ހޮޓްލައިން 7754563 އަށް މެސެޖްކުރެވޭނެކަމަށް އައި-ޕްލޭހައުސްއެމްވީއިން މައުލޫމާތުދެއެވެ.