މިމަހު 16 ވަނަ ދުވަހު ސިނަމާލޭ ބްރިޖު ޓްރެފިކް ލައިޓް ކައިރީ ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓްގެ ވީޑިއޯ ލީކް ވެއްޖެއެވެ.
ހުކުރު ދުވަހު ހިނގި އެކްސިޑެންޓްގައި ސައިކަލުގައި އިން ޖަމްބޯ ފޯވާޑިންގެ މެނޭޖިން ޑިރެކްޓަރު އިސްމާއިލު މޫސާ ވަނީ އާ ޓްރީ ޓޮޕް ހޮސްޕިޓަލް އަށް ގެންގޮސް ފަރުވާ ދެމުންދަނިކޮށް ނިޔާވެފައެވެ.
މި އެކްސިޑެންޓް އާއި ގުޅޭ ސީސީޓީވީގެ ވީޑިއޯ ފޫޓޭޖް މިހާރު މީސްމީޑިއާގައި ލީކުވެފައިވާއިރު ސީސީޓީވީ ފުޓޭޖްއިން ފެންނަ ގޮތުގައި ޖަމްބޯއިން ސައިކަލް ރަތް ޓްރެފިކް ސިގްނަލަށް މަޑުކުރުމެއް ނެތި ދިޔައީ ދުއްވާފައެވެ. އަދި ހަލިމަގުން އެއާޕޯޓަށް ދާން އޮންނަ މަގަށް ޅަނބާލަށް އުޅުނު ވޭނެއްގައި ސައިކަލު ޖެހި އެކްސިޑެންޓްވާތަން ފެނެއެވެ.
މި އެކްސިޑެންޓްގެ ވީޑިއޯ ލީކްވި ގޮތާއި ގުޅޭ ގޮތުން ފުލުހުން ވަކި އެއްޗެއް މިހާތަނަށްވެސް ބުނެފައި ނުވާއިރު، މި މައްސަލަ ފުލުހުން ތަހުގީގު ކުރަމުންދާ ކަމަށް އެ އިދާރާއިން މީގެ ކުރިން ވަނީ ބުނެފަ އެވެ.
އެ ހާދިސާއަކީ މި ފަހުގެ ތާރީޚެއްގައި ބުރިޖާއި ބުރިޖާ ގުޅިފައިވާ ހައިވޭގައި ހިނގި އެންމެ ނުރައްކާތެރި އެކްސިޑެންޓެވެ.
ތައިލެންޑްގެ ބެންގްކޮކްގައި ދިރިއުޅެމުން ދިޔަ ޖަމްބޯއަކީ ރާއްޖެއަށް ފައިވާން އެތެރެކުރާ އިމާ ފުޓް ވެެއާގެ މެނޭޖިން ޑިރެކްޓަރުވެސް މެއެވެ.
Advertisement
This content is created and paid for by advertisers and does not involve Voice Journalists
