ރާއްޖެއިން އިނގިރޭސި ވިލާތަށް އެތެރެކުރާ މަހުގެ ޑިއުޓީ ކަނޑާލަން ނިންމާފައިވާ ކަމަށް އިނގިރޭސި ސަރުކާރުގެ ބައެއް ވެެރީން ވިދާޅުވެފައިވާ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ރައީސް ނަޝީދު މިރޭ ކުރެއްވި ޓްވީޓެއްގައި ވިދާޅުވީ، ލަސްވެގެން ކުރިއަށް އޮތް ދެ މަސް ދުވަހުގެ ތެރޭގައި ރާއްޖެއިން ޔޫކޭއަށް އެތެރެކުރާ މަހުގެ ޑިއުޓީ ކަނޑާލާނެ ކަމަށް އެމަނިކުފާނުގެ ރަހުމަތްތެރި އިނގިރޭސި ސަރުކާރުގެ ބައެއް ވެރިން ރޭ ވިދާޅުވެފައިވާ ކަމަށެވެ.

ނަޝީދު ވިދާޅުވި ގޮތުގައި މިކަން މިވަނީ ރާއްޖެއަށް ހެޔޮ އެދޭ ބައެއް އިނގިރޭސި ވެރީންގެ ބޮޑު މަސައްކަތަކުން ކަަމަށެވެ.

Advertisement

"މިއީ އުފާވެރި ޚަބަރެއް. މިކަން މިވަނީ ރާއްޖެއަށް ހެޔޮ އެދޭ ބައެއް އިނގިރޭސި ވެރީންގެ ބޮޑު މަސައްކަތަކުން" ރައީސް ނަޝީދު ވިދާޅުވިއެވެ. 

ރާއްޖޭގެ މަހުގެ އުފެއްދުންތައް ޔޫރަޕަށް އެކްސްޕޯޓް ކުރުމުގައި ނަގާ ޓެރިފް ކުޑަކުރުމާ ގުޅޭ ގޮތުން ސަރުކާރުން މަޝްވަރާ ކުރާ ކަމަށް އަބަދުވެސް ވުދާޅުވާއިރު އެކަމާއި މަސްވެރީން އިންތިހާއަށް ޝަކުވާ ކުރެއެވެ. އެއީ އެކަމުގެ ސަބަބުން، މަސްވެރިންނަށް ލިބޭ ފައިދާގެ ބޮޑު އިންސައްތަ އެއް އުނިވެގެން ދާ ކަމަކަށްވާއިރު، މަސްވެރީންނަށް ހައްގު މިންވަރު ލިބޭނީ އެ މައްސަލަވެސް ހައްލު ވެގެން ކަމަށް އެ މީހުން ގަބޫލު ކުރެއެވެ.