ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތައް ހުރި ސަރަހައްދުގައި ހުޅުވާފައިވާ، ޕްރިންޓިންގ އާއި ގުޅޭ ޚިދުމަތްތަކަށް ޚާއްސަ ސްޓޫޑިއޯއިން ޕާސްޕޯޓު އަދި އައިޑީކާޑަށް ހުށަހެޅޭނެ ކަމަށާއި އެތަނުން އައިޑީކާޑާއި، ޕާސްޕޯޓަށް ބޭނުންވާ ފޮޓޯ ނަގައިދޭނެ ކަމަށް އެ ސްޓޫޑިއޯއިން ބުނެފިއެވެ.

ސްކޫލް ޗުއްޓީއަކީ ޕާސްޕޯޓާއި، އައިޑީކާޑު ހެދުމަށް ޑިމާންޑު ބޮޑުވާ ދުވަސްވަރެކެވެ. މީގެ ސަބަބުން ސަރުކާރުން މި ހިދުމަތް ދޭ މުއައްސަސާތަކުގެ ގިނަ އިރު ހޭދަކުރަން ޖެހޭއިރު، މި ސްޓޫޑިއޯއިން ތައާރަފްކުރި ހިދުމަތާއެކު ހިޔާ ފްލެޓް ސަރަހައްދުގެ މީހުންނަށް ފަސޭހަކަމާއެކު މި ހިދުމަތްތަކަށް އެދުމުގެ ފުރުސަތު މިވަނީ ފަހިވެފައެވެ. 

ހިޔާ ފްލެޓަކީ 30،000 މީހުންގެ އާބާދީއެއް އުޅޭނެކަމަށް ލަފާކުރެވިފައިވ

ހިޔާ ފްލެޓްތަކުގެ 7 ވަނަ ޓަވަރުގެ ތިރީގައި "ކްރާފްޓް ކްލައުޑް ސްޓޫޑިއޯ"ގެ ނަމުގައި ޕްރިންޓިން ސްޓޫޑިއޯއެއް ހުޅުވީ މިދިޔަ ބުދަ ދުވަހުއެވެ.

މި ފިހާރަ ރަސްމީކޮށް ހުޅުވައިދެއްވީ އެޗްޑީސީގެ މެނޭޖިން ޑިރެކްޓަރު އަހްމަދު އާތިފެވެ. 

މި ފިހާރައިން ޕްރިންޓިންގ ގެ ޚިދުމަތްތަކުގެ އިތުރުން، ޕާސްޕޯޓް އަދި އައިޑީ ކާޑަށް އެޕްލައި ކުރުމުގެ ޚިދުމަތާއި، ޕާސްޕޯޓް ފޮޓޯ ނެގުމާއި، ބައިންޑިންގ އާއި ލެމިނޭޓް ކުރުމުގެ ޚިދުމަތް ފޯރުކޮށްދެއެވެ. 

މީގެ އިތުރުން، ކުރިއަށް އޮތް 6 މަސް ދުވަހުގެ ތެރޭގައި އެންގްރޭވް ކުރުމާއި، ޓެގް އަދި ތަޅުދަނޑީގެ ޑުޕްލިކޭޓް ހެއްދުމާއި، ޓީޝާޓް ޕްރިންޓް ކުރުމުގެ ޚިދުމަތުގެ އިތުރުން ލާޖް ފޯމެޓް ޕްރިންޓިންގ ގެ ޚިދުމަތް ލިބެންހުންނާނެއެވެ. 

ހިޔާ ފްލެޓްތަކުގެ ގްރައުންޑް ފްލޯތައް ހާއްސަކޮށްފައިވަނީ އަސާސީ ހިދުމަތްތައް ދޭ ތަންތަނަށް ކުއްޔަށް ދިނުމަށެވެ. އެގޮތުން ފާމަސީ، ސެލޫން، ފިހާރަ ފަދަ ތަންތަން ހިންގުމަށް ޝައުގުވެރިވާ ފަރާތްތަކަށް އެ ފުރުސަތު އެޗްޑީސީން ވަނީ ހުޅުވާލާފަ އެވެ. އެކަމަކު އޭގެ އެއްވެސް ހިދުމަތެއް އަދި ފެށިފައެއް ނުވެ އެވެ.