ކުރިއަށް އޮތް ރިޔާސީ އިންތިހާބުގައި ސަރުކާރު ހިންގާ މައި ޕާޓީ، އެންޑީޕީން ވާދަކުރާނެ ކެންޑިޑޭޓެއް ކަނޑައެޅުމަށް ބާއްވާ ރިޔާސީ ޕްރައިމަރީ އަށް ކުރިމަތި ލެއްވި ކެންޑިޑޭޓުންގެ ނަންތަކާއި ކެންޑިޑޭޓް ނަންބަރު އާއްމުކޮށް އަންގައި އިއުލާން ކޮށްފި އެވެ.

އެމްޑީޕީން މިއަދު ކުރި އިއުލާނެއްގައި ވަނީ ރިޔާސީ ޕްރައިމަރީގައި ވާދަކުރައްވާ ދެ ކެންޑިޑޭޓުން ކަމަށްވާ، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި، އެމްޑީޕީގެ ރައީސް މުހައްމަދު ނަޝީދު ގެ ކެންޑިޑޭޓު ނަންބަރު އިއުލާން ކޮށްފައެވެެ.

ޖަނަވަރީ 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީއާއި ގުޅޭ އިންތިޚާބީ ކޮމިޓީ ރޭ ބޭއްވުނު ގައުމީ މަޖިލީހުގެ ޖަލްސާގައި އެކުލަވާލާފައިވާއިރު, އެ ކޮމިޓީ މެންބަރުން ހޮވުމުގެ ކުރިން ރައީސް ނަޝީދުގެ ފެކްޝަންގެ މެންބަރުން ވަނީ ޖަލްސާ ބޮއިކޮޓް ކޮށް ނުކުމެވަޑައިގެންފައެވެ. 

އެހެން ކަމުން، ކޮމިޓީ މެންބަރުން، ރައީސް ނަޝީދުގެ ފެކްޝަންގެ މެންބަރުންގެ ވޯޓާއި ނުލައި ހޮވާފައިވާއިރު، އެ ކޮމިޓީގައި ތިއްބެވީ ރައީސް ޞާލިހު ގެ ފެކްޝަން މެންބަރުންނެވެ.

1. އިބްރާޙީމް ވަޙީދު (ޗެއަރޕާސަންގެ ނައިބު އިދާރީ)

2. އަލްއުސްތާޛު އަނަސް ޢަބްދުއްސައްތާރު (ސްޕޯކްސްޕާސަން)

3. އަކްރަމް ކަމާލުއްދީން (މަތިއުތުރު ޕްރޮވިންސްގެ ރައީސް)

4. މުޙައްމަދު އީމާން (ކެނދިކުޅުދޫ ދާއިރާގެ ރައީސް)

5. އަލްއުސްތާޛު އަޙްމަދު އަފީފު ( ޤާނޫނީ ކޮމެޓީގެ ކުރީގެ މުޤައްރިރު)